Halyq qalaýlylary sapar barysynda Shıeli aýdanyndaǵy qýattylyǵy jylyna 1 mln tonna sement óndiretin «Gejýba Shıeli Sement» zaýytynyń jumysymen tanysty, jumysshylarymen áńgimelesti.
Qazaqstan - Qytaı birlesken kásiporny «Gejýba Shıeli Sement» zaýyty ótken jyldyń aıaǵynda Memleket Basshysynyń qatysýymen ótken jalpyulttyq telekópir aıasynda iske qosylǵan edi. Jumysshylarmen suhbat barysynda:
- Jobalyq quny 64 mlrd. teńgeni quraıtyn kásiporyn ındýstrııalandyrý kartasyna engizilgen aýdandaǵy iri jobalardyń biri. Búgingi tańda kompanııa jergilikti 200 adamdy jumyspen qamtyp otyr. Olardy oqytý máselesi de jolǵa qoıylǵan, - dedi zaýyt basshysynyń orynbasary Almas Suranshıev
Kezdesý barysynda depýtattar Elbasy Joldaýyndaǵy tapsyrmalar aýdanda jaqsy oryndalyp jatqandyǵyn tilge tıek etti.
- Tamponajdy sement - qurylys, munaı jáne gaz sondaı-aq ýran óndirisinde keń qoldanysqa ıe. Zaýyttyń qýattylyǵy da óte joǵary. Jańa tehnologııalardyń engizilip jatqanyn da kórdik.
Sıfrlandyrý jaqsy júzege asyrylýda. Sondyqtan, zaýyttyń el ekonomıkasyna qosar úlesi óte zor. Menińshe, mundaı aldyńǵy qatarly kásiporyndardy ári qaraı damytyp, olardyń aınalasynda kishi jáne orta kásipkerlikti jetildirýimiz kerek, - dedi QR Parlamenti Májilisiniń depýtaty, «Nur Otan» partııasy fraksııasynyń múshesi Beıbit Mamraev.
Sóz yńǵaıynda aıta ketsek, bul joba 2015-2019 jyldarǵa arnalǵan ındýstrııalyq-ınnovasııalyq damý memlekettik baǵdarlamasy aıasynda júzege asyrylyp jatyr. Bas merdiger «Chaına Trıýmf Interneshnl» - halyqaralyq kóshbasshy kompanııalardyń sanatynda sanalady.
Baqtııar TAIJAN,
«Egemen Qazaqstan»
Qyzylorda oblysy
