Memleket basshysynyń «100 naqty qadam» Ult josparyn iske asyrý aıasynda 2016 jyldan bastap memlekettik qyzmette úsh satyly irikteý júıesi engizilgen bolatyn. Osy oraıda, respondentterdiń 60%-y memlekettik qyzmetke jańadan túsýshilerdiń bilim deńgeıi artty dep atap ótken. Irikteý barysyn jetildirý maqsatynda 1 qańtardan bastap konkýrs ótkizý qaǵıdalaryna birqatar ózgerister engizildi.
- О́zderińiz biletindeı azamattar birinshi kezekte zańdylyq jóninde test tapsyryp, olardyń bilim deńgeıi anyqtalady. Respýblıka boıynsha 2018 jyly 53000 adam test tapsyryp, 46 % oń baǵasyn alǵan. Jalpy burynǵy jyldarǵa qaraǵanda úmitkerler testke jaqsy daıyndalyp júrgendigi baıqalady. О́tken jyly fransýzdyq kompanııanyń jáne memlekettik qyzmet salasyndaǵy aımaqtyq habtyń qoldaýymen jańartý jumystary aıaqtalǵan bolatyn. Quzyrettilik halyqqa qyzmet etý prınsıpteri jáne zamanaýı memlekettik apparat talaptaryna tolyqtaı sáıkes keledi, - dedi Agenttiktiń aýmaqtyq departamenti basshysy N.Jannazarova.
Aıta ketý kerek, úmitkerlerdiń ózderi týraly jalǵan aqparat berýin aldyryp tastaý úshin, baǵaǵa senimgerlik deńgeıin anyqtaý jóninde suraqtar kiredi. Eger test kezinde berilgen málimetter 50% tómen bolsa, onda úmitker testten ótpegen bolyp esepteledi. Testten súringender qaıtadan testten ótý úshin bir aı ýaqyt kerek. Osy jyl basynan respýblıka boıynsha 400-den astam adam testke qatysyp, onyń 70% bastapqy kezeńnen súrinbeı ótti. Sonymen qatar, qaǵaz túrindegi sertıfıkattar budan bylaı alynyp tastalynady. Buryn azamattar testten ótken soń sertfıkat alatyn jáne konkýrsqa qatysý úshin ony personaldy basqarý qyzmetine aparyp beretin. Bul óz kezeginde birneshe qıyndyqtar týǵyzatyn. Birinshiden, Agenttik blankter satyp alý úshin jáne basqa da qajettilikterge bıýdjetten qarajat jumsaıtyn. Ekinshiden, úmitker birneshe konkýrsqa bir mezgilde qatysý úshin blanktiń kóshirmesin túsirýge jáne notarıýstyń qolymen rastaý qajet edi. Úshinshiden, jalǵan serıfıkat jasaý qaýipi bolatyn. Budan bylaı azamattardyń testten ótken nátıjesi «E-qyzmet» júıesinde saqtaýly bolady, nátıjesinde memlekettik organdardyń kadr qyzmetteri úmitkerlerdiń test qorytyndysymen ózderi jeke tanysatyn bolady. Mundaı bastama konkýrsqa qatysýǵa nıet bildirip qujattar tapsyrýshylar sanynyń azaıýyna ákeledi. Qazirgi ýaqytta, burynǵydaı psıhıatrııalyq jáne narkologııalyq uıymdardan anyqtama ákelý boıynsha talapty alyp tastap, tıisti aqparattyq júıe arqyly sheshý joldary qarastyrylýda.
Sondaı-aq, memlekettik organdar arasynda konkýrs ótkizý kezinde qaǵaz aınalym alynyp tastalyndy. Buryndaǵy konkýrsqa qatysý úshin memlekettik qyzmetshiler eńbek ótili tizimin alý úshin kadr qyzmetine habarlasaýǵa májbúr bolatyn. Sodan soń olardyń memlekettik organdarǵa joldaıtyn. Bul biraz qıyndyqtar týǵyzatyn. Budan bylaı bul prosesster ishki konkýrstar kezinde avtomattandyryldy jáne "E-qyzmet", "E-gov" nemese memlekettik organnyń elektrondy mekenjaıyna elektrondy túrinde jiberiledi.
Qujattar elektrondy túrde memlekettik organnyń elektrondyq poshtasyna nemese "E-gov" elektrondyq úkimet portaly nemese "e-qyzmet" ıntegraldy aqparattyq júıesi arqyly berilgen jaǵdaıda olardyń túpnusqasy áńgimelesý bastalǵanǵa deıin eki saǵattan (ishki konkýrstar úshin), bir kúnnen keshiktirmeı (jalpy konkýrstar úshin) keshiktirilmeı beriledi.
Shara sońynda kadr mamandary ózderin tolǵandyrǵan suraqtaryna jaýap aldy.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
