Máselen, Taraz qalasyndaǵy talaı jyldan beri qaraýsyz qalǵan «Jeńis» saıabaǵyna dańqty batyr Baýyrjan Momyshulynyń eskertkishi ornatylyp, saıabaq ishi urpaqqa ónege bolatyndaı qundylyqtarmen bezendirildi. Odan keıin Qaırat Rysqulbekov saıabaǵy, «Úshbulaq» demalys oryny sııaqty oryndar da halyqtyń ıgiligi úshin jasalǵan nárseler dep aıtqym keledi.
Ekinshiden, Taraz qalasynyń Ybyraıym Súleımenov kóshesiniń boıyndaǵy alleıa da «Jastar jylyna» oraı «Jastar alleıasy» dep atalatyn boldy. Bul da óńirdegi jastar úshin jasalyp otyrǵan ıgi jumystar retinde baǵalanady. Elbasynyń salıqaly saıasaty Jambyl óńirinde de tıisti júzege asyp, laıyqty túrde atqarylyp keledi. Sonymen qatar, ótken jyly óńirde óndiris salasynyń da birshama artqanyn aıtýǵa bolady. Iаǵnı, 238,5 mıllıard teńgege óndiris kólemi artqan. Taǵy bir aıta keterligi, óńirde 32,548 orta jáne shaǵyn kásipkerlik sýbektileri tirkelgen. Olardyń ınvestısııa tartý kólemi boıynsha da kórsetkishteri artyp otyr. Taraz qalasynyń ózine 69,2 mıllıard teńgege ınvestısııa tartylǵan.
Budan keıin, jalpy turǵyn úı máselesi halyq úshin óte mańyzdy. О́tken jyly óńirde turǵyn úı salý úshin 43,7 mıllıard teńge jumsalǵan. Byltyr Taraz qalasynan 243,7 myń sharshy metr turǵyn úı salynǵan bolatyn. Memleket qoldaýynyń nátıjesinde salynǵan úıler memlekettik baǵdarlamalar arqyly turǵyndar úlesine berilýde. Birqatar bilim berý oshaqtary salynyp, keıbireýleri qaıta jóndeýden ótken. Atap aıtsaq, «Shóldala» aımaǵynda 900 oryndyq jáne «Báıterek» yqshamaýdanynda 120 oryndyq mektep paıdalanýǵa berildi.
«Sıfrly Qazaqstan» baǵdarlamasy boıynsha da qala kóshelerinde birqatar baǵdarshamdar jańartylǵan. Sonymen qatar, óńirde týrızm salasyn damytýǵa da aıryqsha kóńil bólinýde. «Shahrıstan», «Aqyrtas» keshenderine tıisti jumystar júrgizilýde. Al, Jýaly aýdanyndaǵy «Qaralma» kesheni de bolashaqta óńir týrızmin damytýǵa ózindik serpin beretini sózsiz.
Serikbol BERIKQOJA,
Taraz qalalyq máslıhatynyń depýtaty
