«Jastyq shaq – adam ómirindegi eń sheshýshi kezeń. О́mir bir ornynda turmaıdy. Kásip ashýǵa yńǵaıly ýaqyt ol –dál qazirgi kez. Sondyqtan, altyn ýaqyttaryńyzdy bos jibermeı, qoǵamnan óz oryndaryńyzdy alýǵa asyǵyńyzdar»,-dedi Palata basshysy.
Sonymen qatar, «Atamekenniń» basshysy bıznes bastamasy bar jastarǵa usynylatyn múmkindikter jóninde aıtyp berdi. Aıtalyq, Aqtóbe oblysy Kásipkerler palatasy 2015 jyldan bastap, 18 ben 29 jas aralyǵyndaǵy belsendi jastarǵa arnalǵan «Jas kásipkerler mektebi» jobasyn júzege asyryp keledi. Kýrsqa qatysýshylar bıznesti basqarý teorııasy men tájirıbesine úırenip, oqý aıaqtalǵan soń, óz ıdeıalaryn qorǵaıdy. Eń úzdik bıznes-jobalar mıkroqarjy uıymdarynyń, bıznes ókilderiniń jáne áleýetti ınvestorlardyń qatysýymen ótetin «Ideıalar jármeńkesine» qoıylady. Sonymen qatar, jastar О́KP ótkizetin «Bıznes keńesshi» semnaryna qatysa alady. Sondaı-aq palata alańynda belsendi jastarǵa arnalǵan túrli trenıngter jáne belgili kásipkerlermen kezdesýler ótkizilip turady. О́KP dırektory kolledj stýdentterin osy sharalarǵa qatysýǵa shaqyrdy.
Stýdenttermen kezdesý Elbasy Nursultan Nazarbaevtyń bıylǵy jyldy Jastar jyly dep ataýyna jáne «Táýelsizdiktiń urpaqtary» saltanatyndaǵy «Atameken» palatasynyń jastardy bızneske baýlý týraly tapsyrmasyna oraı uıymdastyrylǵan. «Jastar jyly – jastardyń ózin damytýyna úlken múmkindik beretin jyl. Kezdesýdiń maqsaty -talapty, belsendi jastardyń arman-maqsattaryna jol ashý»,-deıdi Aqtóbe gýmanıtarlyq kolledji dırektorynyń tárbıe isi jónindegi orynbasary Gúlbarsha Jıenqulova.
Temir QUSAIYN,
«Egemen Qazaqstan»
Aqtóbe qalasy
