«QazAgro» holdıngi jyl sanap agroónerkásipti keshendi qarjylaı qoldaý kólemin ulǵaıtyp keledi. Máselen, 2018 jyly AО́K-di damytýǵa bólgen qarjy kólemi aldyńǵy jylmen salystyrǵanda bir jarym ese asyp túsip, 400 mıllıard teńgeni qurady. 2017 jyly bul kórsetkish 267 mıllıard teńge bolǵan edi. Nesıeleý kólemi de 57 paıyzǵa ósip, 385 mıllıard teńgege jetti.
Holdıngtiń jumys oryndaryn ashý, halyqty jumyspen qamtý baǵytyndaǵy nátıjelerine toqtalar bolsam, 2018 jyly 67 myń adam eńbekpen qamtyldy. Olardyń 11 myńy jańadan ashylǵan jumysqa ornalasty.
Jalpy, «QazAgro» ulttyq basqarýshy holdıngi Memleket basshysy mindettegen, strategııalyq jáne baǵdarlamalyq qujattarda josparlanǵan agrarlyq baǵytty berik ustanady. Búgingi tańda holdıng naqty 4 baǵytta aıtarlyqtaı joǵary nátıjelerge qol jetkizip keledi. Olardyń árqaısysyna qysqasha toqtala keter bolsam, birinshi baǵytymyz – ınvestısııalyq jobalardy qarjylandyrý. Bizdiń ınvestısııalyq portfelimizde jalpy quny 504,9 mıllıard teńgege teń 672 ınvestısııalyq joba bar. Bul jobalardyń aıasynda 22 myńǵa tarta jumys orny ashylýǵa tıis.
Jalpy quny 482,6 mıllıard teńgeni quraıtyn 647 ınvestısııalyq joba iske qosyldy. Onyń ishinde byltyr júzege asyrylǵan 115 jobanyń quny – 147,8 mıllıard teńge.
Ekinshi baǵyt – 2017-2021 jyldarǵa arnalǵan Nátıjeli jumyspen qamtý jáne jappaı kásipkerlikti damytý baǵdarlamasynyń aıasynda qarjylandyrý. 2017 jyly holdıngtiń enshiles kásiporyndary 28,8 mıllıard teńgeniń mıkronesıesin bergen bolatyn. Bul da josparlanǵan mejeden 6 paıyz joǵary kórsetkish. Osy oń nátıjelerden keıin qarjylandyrý kólemin 44,8 mıllıard teńgege deıin ulǵaıtyp, 11 myń nesıegerdi qamtý kerek degen sheshim qabyldandy. Sóıtip, ótken jyldyń qorytyndysy boıynsha «QazAgronyń» enshiles kompanııalary 11 myń 155 adamǵa 44,7 mıllıard teńge nesıe berdi.
2018 jyly start-ap jobalaryn júzege asyrý úshin 8 872 qatysýshy jalpy kólemi 31,2 mıllıard teńge nesıe aldy. Bul kórsetkish te jospardaǵydan úsh jarym ese joǵary. Budan bólek zákirlik kooperasııalardy damytýǵa – 6,5 mıllıard teńge nesıe úlestirildi.
Holdıng qyzmetindegi úshinshi basty baǵyt – «Sybaǵa» etti mal sharýashylyǵyn damytý aıasynda nesıemen qarjylandyrý. «Sybaǵa» etti baǵyttaǵy múıizdi iri qaranyń sanyn eselep arttyrýǵa septigin tıgizdi. Aýylsharýashylyq ónimderin óndirýshiler úshin eń qoljetimdi nesıeleý baǵdarlamasy osy deýge bolady. Mal sharýashylyǵy salasynda tájirıbesi az, biraq soǵan qaramastan osy salada bıznes bastaýǵa bekingen kóptegen azamattar úshin «Sybaǵa» úlken múmkindik boldy.
Osy úshinshi baǵyt boıynsha bastapqyda 50 myń bas mal satyp alýǵa qarjy bólý josparlanǵan-dy, keıin bul kórsetkish 55,8 myń basqa jetti. Odan bólek 164,7 myń usaq mal satyp alýǵa qarjy bólindi.
Lızıng baǵdarlamalary aıasyndaǵy qarjylandyrý da «QazAgro» ustanatyn basty baǵyttardyń biri sanalady. Byltyr aýylsharýashylyq taýaryn óndirýshilerge lızıng boıynsha 63 mıllıard teńgege 3426 birlik tehnıka usynyldy. Bul baǵytta da kórsetkish 2017 jylmen salystyrǵanda 36 paıyzǵa asyra oryndaldy.
Tobylbek OMAROV,
«QazAgro» UBH» basqarýshy dırektory – apparat basshysy
