«Biz nysandy jańa energııamen tolyqtyrýdy josparlap otyrmyz. Munda sáýletshi Norman Foster oılap tapqan stılge sáıkes keletin barlyq bólmelerdiń ádemi, jaıly bolýyn qalaımyz. Konserttik jáne kórme baǵdarlamalary, áleýmettik jobalardyń úılesimdiligi mańyzdy», – dep keltirgen baspasóz qyzmeti «Qulanshy» zamanaýı óner ortalyǵynyń jetekshisi Leıla Mahattyń sózin.
Pıramıdada sondaı-aq kovorkıng ortalyǵyn qurý josparlanýda.
Sonymen qatar, qala ákimdigi Prezıdenttik saıabaqty jáne irgeles aýmaqty qaıta jańartýdy josparlap otyr.
«Biz jobany júzege asyratyn avtordy anyqtadyq. Oǵan «Ensıklopedııa saıabaq», «Ejelgi óner jáne tehnologııalar murajaıy» syndy tolyqtyrýlar engiziledi. Avtorlar keste daıyndap, qurylys eki kezeńge bólindi. Saıabaq pen oǵan irgeles aýmaqtar jańartylady», - dedi qalalyq sáýlet, qala qurylysy jáne jer qatynastary basqarmasynyń basshysy Baqtybaı Taıtalıev.
Aqparatqa sáıkes, qala ákimi Baqyt Sultanov saraıdyń qyzmetimen tanysyp, onyń ishki ózgeristeri boıynsha usynylǵan tujyrymdamany qoldap, «erkindik úshin» jáne «Arteria»kórmelerin zerdeledi. Sonymen qatar, qala basshysy ǵımaratqa tolyq tehnıkalyq saraptama júrgizýdi tapsyrdy.
