2018 jyldyń 10 qarashasynda atalmysh ottegi sehynda 720 mm joǵary dárejeli ottegi qubyrynyń qulaýynan 219 mm-lik gaz qubyrynyń jarylyp, nátıjesinde propan-býtan gazy órtengen edi.
B.Saǵyntaevtyń aıtýynsha, apattyń oryn alý sebebin anyqtaý úshin Qaraǵandy eńbek ınspeksııasynyń tapsyrýymen óndiris qaýipsizdigi tóraǵasynyń ókili bastaǵan komıssııa qurylǵan.
Isti tergeý barysynda komıssııa apat kelesi jaǵdaılar sebebinen bolǵanyn anyqtaǵan:
a) Azot pen otteginiń qubyrdaǵy joǵarǵy qysymy men shyǵynnyń úlken aýytqýynan paıda bolǵan dınamıkalyq júktemelerden;
b) «Lınde Gaz Qazaqstan» JShS-nyń aýa bólý blogynan ónimdi ýaqytyly bólmeý;
«Apatty zertteý nátıjesinde «ArselorMıttal Temirtaý» AQ-nyń kinási rastaldy.
Komıssııa apattyń sebebin aldyn alý úshin 15 sharany qolǵa alǵan. О́ndiris qaýipsizdigine jaýapty quzyrly organdar bul sharalardyń oryndalýyn óz baqylaýyna alady» deıdi Premer-Mınıstr.
Budan bólek, metallýrgııa kombınatyn modernızasııalaý maqsatynda Indýstrııa jáne ınfraqurylymdyq damý mınıstrligi men Qaraǵandy oblysynyń ákimshiligi 2018-2020 jylǵa arnalǵan Jol kartasyn ázirledi. Jol kartasy negizinde atalmysh kásiporynǵa 305 mlrd teńge ınvestısııa tartylmaq.
Sonymen qatar, B.Saǵyntaev «ArselorMıttal Temirtaý» AQ jumysy men metallýrgııa kombınatynyń modernızasııasy Úkimet baqylaýynda ekenin aıtyp ótken.
