Jastar jylyna oraı uıymdastyrylǵan kezdesý barysynda stýdentter ózderin tolǵandyryp júrgen birqatar máselege qatysty suraqtarǵa jaýap izdedi. Sondaı-aq, «Jas Otan» Jastar qanatynyń tyń jobalarymen tanysyp, óz oılarymen bólisti.
– Bıyl «Jas Otan» Jastar qanaty 2019 jyldyń josparyna saı jumys isteýge kirisip ketti. Máselen, «Jastar - aýylǵa» jobasyn uıymdastyrý ústindemiz. Biz bul joba arqyly aýyldarda is-tájirıbeden ótetin jastardy jınaımyz. Sonymen qatar, Digital nation, English for jastar, «Bilim ortalyqtary» jobalary jalǵasyn tappaq. Jas arheologtar úshin «Qus joly» jobasy ázirlenýde. Sondyqtan, 2019 jyl jastarǵa jańa múmkindikter berip, óz oılary men maqsattaryn iske asyrýda kóp qoldaý bolmaq, – dedi «Jas otan» Jastar qanatynyń tóraǵasy Danııar Súndetbaev.
Jastar jyly jas qazaqstandyqtar úshin jańa múmkindikter syılamaq. Qyzyqty jobalardy iske asyrýda barlyq jaǵdaılar jasalady. Elbasy Nursultan Nazarbaev ár jasqa óz qyryn jaqsy jaǵynan kórsetip, odan ári ashylýǵa múmkindik berýde. Sondyqtan, barsha qazaqstandyqtyń ómir súrý sapasyn jaqsartýǵa baǵyttalǵan jobalardy iske asyrýdyń ýaqyty keldi.
– Bul jyldyń biz úshin mańyzy zor. Sebebi, osy jyl «Jastar jyly» bolyp bekitildi. Sondyqtan, tyń jobalardy iske asyrýdyń ýaqyty keldi. Jastarǵa durys baǵyt berip, tárbıeleıtin jobalardy kóptep oılastyrý kerek,–deıdi ýnıversıtet stýdenti Islam Baıramov.
«Memlekettiń maǵan bereri ne?» emes, «Meniń memleketke tıgizer paıdam qandaı?» degen suraq ár jasty tolǵandyrýy kerek-aq. Osy maqsatty ustanǵan oblystyq «Jas Otan» Jastar qanatynyń tóraǵasy Sultanbek Bekeshev áleýmetti damytý úshin jastarǵa qolaıly jaǵdaı jasaý asa qajet dep óz pikirin bildirdi.
Baıqal BAIÁDIL,
«Egemen Qazaqstan»
Kókshetaý qalasy,
Aqmola oblysy.
