Onyń aıtýynsha, ekspedısııa quramyna oqý ornynyń shyǵarmashylyq áleýeti joǵary ultjandy stýdentteri, magıstranttary men doktoranttary múshe bola alady.
– Joba qoǵamdyq sanany jańǵyrtýǵa baǵyttalǵan «Bolashaqqa baǵdar: rýhanı jańǵyrý» baǵdarlamasy aıasynda júrgiziledi. Basty kózdegen maqsatymyz –halqymyzdyń san ǵasyrlar boıy qalyptasqan tarıhı sanasyn damytý arqyly ulttyq tutastyqty saqtaý, Qazaqstannyń kıeli jerleriniń mádenı-geografııalyq aýmaǵyn zertteý oraıynda zamanaýı qazaqstandyq mádenıetti nasıhattaý, – deıdi ýnıversıtettiń Baspasóz qyzmetiniń jetekshisi Jandar Asan.
Qyzdar ýnıversıtetiniń «Rýhanı jańǵyrý» Jobalyq keńsesiniń jetekshisi, fılologııa ǵylymdarynyń doktory, professor Tynyshtyq Ermekovanyń sózine súıener bolsaq, ekspedısııa qatysýshylary elimizdegi tarıhı-mádenı kıeli jerlerge qatysty ǵylymı joba júrgizip, atalǵan oryndar týraly ańyzdar, tyń tarıhı málimetter jınamaq. Sonymen qatar ekspedısııa músheleri sakraldy jerlerdiń ınfrastrýktýrasy týraly málimetter derekqoryn jınap, ony jaqsartý jóninde naqty usynystar daıyndaıdy.
«Uly dala qupııasy» atty ekspedısııalyq konkýrs eki kezeń boıynsha júrgiziledi. Alǵashqy kezeńde ýnıversıtet bilimgerleriniń úzdik jobalary iriktelinip, kelesi kezeńde jobada kórsetilgen tarıhı oryndarǵa ekspedısııaǵa shyǵý josparlanǵan.
Konkýrsqa usynylǵan jumystarda zertteý nysany bolyp alynǵan ólke boıynsha tyń málimetter berilip, Uly dalanyń jańa qyrlary keńinen ashylýy tıis. Sondaı-aq jobanyń derektiligi men faktografııalyq mańyzdylyǵy, tarıhı sanany jańǵyrtýdaǵy materıaldyń aktýaldyǵy jáne jumystaǵy tildiń tııanaqtylyǵy men oıdyń ushqyrlyǵy da nazarǵa alynady.
Ekspedısııa týraly tolyq málimetti Qyzdar ýnıversıtetiniń «Rýhanı jańǵyrý» Jobalyq keńsesinen alýǵa bolady.
Aınash ESALI,
«Egemen Qazaqstan»
ALMATY
