О́leń ólkesine de birge keldi. Alaıda týǵan topyraǵynyń tabıǵatyna tereń boılaǵan Jaqsylyq aqyn qaıtadan Áýlıeata óńirine kelip, ár jyldary túrli qyzmetterdi atqardy. Qazaq jýrnalıstıkasyna da úles qosyp, respýblıkalyq «Sosıalıstik Qazaqstan» gazetiniń Jambyl óńirindegi menshikti tilshisi bolyp jáne oblystyq «Eńbek týy» gazetinde jumys istedi.
Jaqsylyq Sátibekov óleńsúıer qaýymǵa soǵys qasiretin jyrlaǵan «Qara kempir» óleńimen de belgili. Bul ánniń Altynbek Qorazbaevtyń oryndaýynda talaı adamnyń aza boıyn qaza qylǵany da ras. Jýyrda Taraz qalasyndaǵy aqyn turǵan úıge eskertkish taqta ornatyldy. Aqyn bul úıde 1969 jyldan bastap, ózi ómirden ótken 2011 jylǵa deıin turǵan. Jıynǵa aqynnyń jary, ul-qyzdary, týystary men aqynnyń kózin kórgen el azamattary qatysty.
О́z sózinde Jambyl oblystyq qoǵamdyq keńestiń tóraǵasy Jandar Káribaıuly Jaqsylyq aqynnyń aqyndyq jáne qaıratkerlik qasıetine toqtalyp, estelikterimen bólisti. Sonymen qatar, Taraz qalasy ákiminiń orynbasary Kenjebek Oljabaı aqyn esimi el esinde máńgi saqtalatynyn, Áýlıeata óńiri Jaqsylyq Sátibekovpen maqtanatynyn jetkizdi. Al, aqynnyń jary Ázıza Qalyǵulova aqynyn ardaqtap kelgen kópshilikke alǵysyn aıtyp, Jaqsylyq aqynmen birge ótkizgen jaqsy kúnderinen estelikter aıtty. Budan keıin aqynnyń eskertkish taqtasynyń saltanatty jaǵdaıda ashylý rásimi ótti.
Hamıt Esaman,
«Egemen Qazaqstan»
Jambyl oblysy
