Zýrab BOBOHIDZE: «Qazaq elinde baqytty kúnderimdi ótkizýdemin»

Beısenbi, 25 qazan 2012 7:18

– Meniń Qazaqstanda turǵanyma 40 jyldan asty. Osy jyldar ishinde qazaq jerin meken etken etnostardyń ózara dostyǵy qaıran qaldyryp keledi. Qa­zaqstannyń ár óńirinde bolyp júrgende ultaralyq tatýlyqqa, dostyq pen keń peıilge áldeneshe ret kýá boldym. О́ziniń ana tili bolmasa, janyna jaqyn tartqan dostarynyń ana tilin meńgerip, sol ha­lyqtyń tarıhy men ádebıetin, óneri men mádenıetin tereń bilýge umtylǵan ózge ulttardy kóbirek kezdestirdim. Meniń de syrymdy aıtatyn, qınalǵanda janymnan tabylatyn dostarymnyń arasynda ózge ulttar óte kóp. Ásirese, qazaq pen orys­tyń, armıan men tájiktiń jigitterinen dostyqqa adal, sózine berik, joldas­tyq­tyń qadirin sezine alatyn jaqsy dostar tapqanyma qýanamyn. Biz bir-birimizdi ultqa bólmeımiz. Sol sebepten bolar, bir-birimizdiń ulttyq salt-dástúrimizge qur­met­pen qarap, merekelik sharalarda ǵana emes, basqa ýaqyttarda da balalary­myz­dyń ulttyq ánderimiz ben bılerimizdi jetik meńgerýine qoldaý bildirip kelemiz.

Beısenbi, 25 qazan 2012 7:18

– Meniń Qazaqstanda turǵanyma 40 jyldan asty. Osy jyldar ishinde qazaq jerin meken etken etnostardyń ózara dostyǵy qaıran qaldyryp keledi. Qa­zaqstannyń ár óńirinde bolyp júrgende ultaralyq tatýlyqqa, dostyq pen keń peıilge áldeneshe ret kýá boldym. О́ziniń ana tili bolmasa, janyna jaqyn tartqan dostarynyń ana tilin meńgerip, sol ha­lyqtyń tarıhy men ádebıetin, óneri men mádenıetin tereń bilýge umtylǵan ózge ulttardy kóbirek kezdestirdim. Meniń de syrymdy aıtatyn, qınalǵanda janymnan tabylatyn dostarymnyń arasynda ózge ulttar óte kóp. Ásirese, qazaq pen orys­tyń, armıan men tájiktiń jigitterinen dostyqqa adal, sózine berik, joldas­tyq­tyń qadirin sezine alatyn jaqsy dostar tapqanyma qýanamyn. Biz bir-birimizdi ultqa bólmeımiz. Sol sebepten bolar, bir-birimizdiń ulttyq salt-dástúrimizge qur­met­pen qarap, merekelik sharalarda ǵana emes, basqa ýaqyttarda da balalary­myz­dyń ulttyq ánderimiz ben bılerimizdi jetik meńgerýine qoldaý bildirip kelemiz.

Osy oraıda Qazaqstanda ózge ulttar­dyń ana tili men salt-dástúrin, tól óneri men mádenıetin jańǵyrtýyna qolaıly jaǵdaı jasalǵanyn aıryqsha atar edim. Qazaqstanda, sonyń ishinde, Atyraýda tu­ratyn meniń qandastarym da «Iverııa» grýzın etnomádenı birlestigin qurý ke­zin­de esh kedergige kezikken joq. Qandas­tarym bul birlestikti basqarý mindetin maǵan júktedi. Árıne, qaı istiń de bastaýynda qıyndyqtar kezdesetini barshaǵa málim ǵoı. Alaıda, biz etnomádenı birles­tiktiń jumysyn jolǵa qoıý barysynda memlekettiń qoldaýyn anyq sezindik. Qa­zir balalarymyz óz tilinde sóıleıdi, ult­tyq ónerimizdiń qaınarynan tereń sýsyndaı bastady. Birlestik janynan jastar­dyń bı ansamblin quryp, onyń múshesi bolýǵa tilek bildirgenderdiń ultyna shekteý qoımadyq. Qazir ansambl quramynda 8-9 ulttyń ókili bı bıleıdi. Olardyń arasynda qazaqtyń, orys pen osetınniń jastary bar. Osynyń ózinen bizdiń jas­tarymyzdyń arasynda da dostyqtyń týy bıik kóterilgenin uǵýǵa bolady.
Qazaqstandaǵy ultaralyq dostyqtyń altyn dińgegin qalyptastyrýda Tuńǵysh Prezıdentimiz Nursultan Nazarbaevtyń eren eńbegi baryn aıryqsha aıtýymyz qajet. О́ıtkeni, Memleket basshysynyń Qazaqstan halqy Assambleıasyn qurý ıdeıa­sy óziniń jemisin berdi dep oılaımyn. Bul – ultaralyq dostyqty nyǵaıtýdyń qazaqstandyq modeli. Mundaı model bu­ryn álemdegi birde-bir elde bolmaǵan ǵoı. Qazir kóptegen eldiń basshylary men saıasatkerleri Qazaqstandaǵy ulttardyń berik dostyǵy men tatýlyǵyna qyzyǵyp ta, qyzǵanyp ta qaraıdy. Qazaqstandyq modeldiń utymdy tustaryn ózderinde qoldanýdy qalaıdy. Demek, bizdiń táýel­siz Qazaqstanymyzdyń dostyqtyń meke­ni­ne aınalǵanyna bárimiz de súısinemiz, bárimiz de marqaıamyz.
Men Qazaqstandaı tatýlyq, yntymaq uıalaǵan elde turǵanymdy, osy memleket­tiń azamaty bolǵanymdy baqytqa sanaımyn. Eger basqa bir elde turatyn bolsaq, ómirimiz alańsyz bolaryna sene alar ma edim? Sebebi, kúnbe-kún buryn bir Odaq­tyń bodaýynda bolǵan memleketterdiń birazyndaǵy, sonymen birge, jahan el­de­rin­degi bolyp jatqan alaýyzdyq pen turaqsyzdyqtyń teris áseri nege soq­ty­ratynyn estip te, kórip te júrmiz. Osy turǵydan aıtqanda, óz taǵdyrymnyń, ba­lalarymnyń bolashaǵy Qazaqstanmen baı­lanysty bolǵanyna únemi shúkirshilik etemin. Basqasha aıtar bolsam, qazaq je­rindegi kúnderimdi ómirimniń eń bir shýaqty sátine balaımyn.
Biz, Qazaqstandaǵy ózge ulttyń ókil­deri ózimizdiń salt-dástúrimizdi, tilimiz ben ónerimizdi damytyp qana qoımaı, el­degi tatýlyq pen dostyqtyń qadirin ke­ıingi býynnyń sanasyna tereń sińirýge úlesimizdi qosyp kelemiz. Osy maqsatpen aýdandardy aralap, birlestik quramyn­da­ǵy bı ansambliniń konsertin ótkizip júr­miz. Biz árbir sharamyzǵa ózge etno­mádenı birlestikterdiń múshelerin sha­qy­ramyz. Bá­rimizdiń ortaq Otanymyz – Qazaqstan bol­ǵandyqtan, biz bir-biri­miz­diń ónerimiz­ge qoldaý kórsetýimiz qajet dep oılaımyn.
Al barsha musylman úshin ulyq mereke – Qurban aıttyń jóni bólek. Bul kúni elimizdegi yntymaq pen berekeniń mańyzy arta túskenin, ultaralyq dostyq pen ta­týlyq nyǵaıa bergenin qalaımyn. Barshaǵa amandyq, elimizge tynyshtyq tileımin.
Jazyp alǵan Joldasbek ShО́PEǴUL,
«Egemen Qazaqstan».
Atyraý oblysy.