Press-konferensııaǵa Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamentiniń dırektory Ábil Jolamanov, Qazaqstan Respýblıkasynyń «Qurmet» ordeniniń ıegeri Móldir Áýelbekova, ánshi Nurbolat Abdýllın, Jigitter kvartetiniń solısti Erdos Qanaev, ánshi, Qazaqstan Respýblıkasynyń «Daryn» memlekettik jastar syılyǵynyń laýreaty Álı Oqapov, Qazaqstannyń eńbek sińirgen qaıratkeri Álisher Kárimov, Astana qalalyq «Jastar» teatrynyń dırektory Ernar Jumataev, Qazaqstan Respýblıkasynyń «Daryn» memlekettik jastar syılyǵynyń laýreaty Baqtııar Aldamjan qatysty.
«Memleket shyǵarmashyl jastardy qoldaýǵa úlken mán beredi. Oǵan mınıstrliktiń dástúrli negizde ótkizilip jatqan túrli baǵyttar men janrlardy qamtıtyn halyqaralyq jáne respýblıkalyq konkýrstar men festıvalderi dálel. Máselen, Qurmanǵazy atyndaǵy respýblıkalyq halyq aspaptarynda oryndaýshylar konkýrsy, Ámire Qashaýbaev atyndaǵy dástúrli oryndaýshylar konkýrsy, jańa óner týyndylaryna arnalǵan «Táýelsizdik tolǵaýy» jáne «Elim meniń» atty patrıottyq negizdegi respýblıkalyq konkýrsy, vokalıster, skrıpkashylar, pıanıster, balet artısteriniń halyqaralyq konkýrstary, Shámshi Qaldaıaqov ánderiniń festıvalin atap ótýge bolady. Atalǵan konkýrstarǵa elimizdiń túkpir-túkpirinen kelgen daryndy jas oryndaýshylar qatysady. Sonymen qatar, mınıstrlik tarapynan daryndy jastar jaqyn jáne alys shetelderde ótkiziletin halyqaralyq konkýrstarǵa turaqty jiberilip turady. Sondaı-aq, asa daryndy shyǵarmashyl jastardy memlekettik qoldaý maqsatynda jyl saıyn Elbasynyń Jarlyǵymen Mádenıet salasyndaǵy memlekettik stıpendııa berilip turady. Atap aıtsaq, talantty dırıjerlar Alan Bóribaev, Qanat Omarov, balet solısteri Áıgerim Beketaeva, Madına Baspaeva, Janel Tókeeva, Mýkaram Abýbahrıeva, dástúrli ánshiler Erlan Rysqalı, Aıgúl Qosanova, tanymal teatr jáne kıno ártisteri Álııa Telebarısova, Aıda Jantileýova, Berik Aıtjanov, Ádil Ahmetov, Sanjar Mádıev, Samal Eslıamova, Aıan О́tepbergen, Erkebulan Daıyrov, sýretshi Anar Ábjanovalar memlekettik stıpendııa ıelengen bolatyn. Sonymen qatar, jyl saıyn QR Mádenıet jáne sport mınıstrliginiń qoldaýymen Qazaqstannyń talantty jastary shet elderde ótkiziletin halyqaralyq baıqaýlarǵa qatysyp, bizdiń elimizdiń mádenıet pen óner salasynda jetken jetistikterin shet elderde pash etýde», - dedi Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamentiniń dırektory Ábil Jolamanov.
«Qazaqkonsert» Memlekettik konserttik uıymynyń estrada bóliminiń jetekshisi Móldir Áýelbekova osy ýaqytqa deıin de Qazaqstan Respýblıkasy Mádenıet jáne sport mınıstrliginiń qoldaýymen qazaqstandyq jas daryndar álemdik dárejege shyǵa alatyndaı qoldaýǵa ıe bolǵanyn, aldaǵy ýaqytta da talanttar eskerýsiz qalmaıtyna senimdi ekenin jetkizdi. «2019 jyl Jastar jyly bolyp jarııalanyp, qatty qýanyp jatyrmyz. Bul jyl jastar úshin jemisti ári jeńisti jyl bolady dep senemin. Endi «Qazaqkonsert» birlestiginiń ótken jylǵy atqarǵan jumystaryna toqtalsam, úlkendi-kishili 139 jobany júzege asyrdyq. Onyń ishinde 2 halyqaralyq joba bar. Atap aıtqanda, ekinshi halyqaralyq «Astana» teatr festıvali ótti. Ekinshi jobamyz álemde áıgili Notre Dame de Paris mıýzıkli alǵash ret qazaq tilinde qoıyldy. Bul mıýzıkldi aldaǵy ýaqytta Azııa elderine shyǵarý josparda bar. Sonymen qatar, erekshe atap ótkim keletin jaıt, qazaqstandyq talanttar álemdik dárejege jetip, elimizdiń abyroıyn asqaqtatyp júr», - dedi ánshi, «Qurmet» ordeniniń ıegeri Móldir Áýelbekova.
Al ánshi, Qazaqstannyń eńbek sińirgen qaıratkeri Álisher Karımovte Jastar jyly jastarǵa úlken múmkinshilikter beretindigin basa aıtyp, byltyrǵy shyǵarmashylyq jetistikteri jaıynda sóz qozǵady. Bıyl óner jolynda júrgenine 15 jyl tolatyndyǵyn, aldaǵy ýaqytta elimizdiń túpikir-túpkirinde konsert berý oıynda bar ekendigin atap ótti.
«Elbasymyzdyń bastamasymen 2019 jyldyń Jastar jyly dep jarııalanýy jastarǵa berilgen úlken qoldaý dep oılaımyz. «Jigitter» kvarteti sahnada júrgenine 15 jyl tolýyna oraı esep berý konsertin ótken jyly Almatydaǵy «Almaty Arena» stadıonynda ótkizdi. Jeltoqsan aıynda Astana qalasynda mereıtoıymyzdy atap óttik. Halyqtyń kóńilinen shyǵatyn kesh ótkizdik dep oılaımyz. Taıaý arada 15 jyldyq mereıtoıǵa arnalǵan baǵdarlamamyzben alys-jaqyn elderde óner kórsetý josparymyzda bar», - dedi óz kezeginde «Jigitter» kvartetiniń ánshisi Eldos Qanaev.
Al «Astana Opera» teatrynyń solısi, Baqtııar Adamjan bıylǵy jyl jastarǵa zor jaýapkershilik te júkteıtindigin basa aıtty. Memlekettik jastar saıasatynyń arqasynda jastardyń úlken jetistikterge jetip jatqanydyǵyna da nazar aýdartty. «Máselen, ózim 2013 jyly Astanaǵa kelgennen beri ómirim kúrt ózgerdi. Bul jastarǵa berilgen múmkinshiliktiń, durys kózqarastyń arqasy dep oılaımyn», dedi Qazaqstan Respýblıkasynyń «Daryn» memlekettik jastar syılyǵynyń laýreaty. Ánshi Álı Oqapov ta ótken jylǵy shyǵarmashylyq jetistikterine toqtaldy. «О́tken jyly bir armanym oryndalyp, jeke keshim ótti. Elimizdegi eń úzdik konsert zalynda, úzdik mamandardyń qoldaýymen keremet kesh ótti dep esepteımin. Bıylǵy jylǵy josparlarym da oryndalady dep senemin. Jastar jylyna oraı konsert berýge daıynbyz»,- dedi Qazaqstan Respýblıkasynyń «Daryn» memlekettik jastar syılyǵynyń laýreaty Álı Oqapov.
«Elbasymyzdyń sarabdal saıasatynyń arqasynda, Rýhanı jańǵyrý baǵdarlamasy aıasynda qolǵa alynǵan kóptegen jaqsy ister atqarylýda. Keshe ǵana Elbasymyz 2019 jyldy Jastar jyly dep bekitip berdi. Munyń ózi jastarǵa kóptegen múmkindikter berip otyr. Árbir mamandyq ıesi óz tarapynan elimizdiń damýyna ózinshe kómegin berý kerek. Men ózimizdiń teatrdyń jetistigin aıtar bolsam, teatrymyz ashylǵanyna 12 jyl bolsa, sol aralyqta 11den asa halyqaralyq baıqaýdan jeńimpaz boldyq. Mine, osyndaı úlken jobalarǵa qatysýymyzdyń ózi Mınıstrliktiń qoldaýymen bolyp jatqanyn erekshe atap ótkim keledi», - dedi Astana qalalyq «Jastar» teatrynyń dırektory Ernar Jumataev.
