Sharaǵa oblys ákiminiń orynbasary Aqan Ábdýálıev, oblystyq densaýlyq saqtaý basqarmasynyń basshysy Baýyrjan Ysqaq arnaıy qatysty.
– Oblystyq bıýdjetten jyl saıyn densaýlyq saqtaý salasyna qarjy bólinedi. Alaıda aýdandardaǵy densaýlyq saqtaý mekemelerin ozyq tehnologııadaǵy jańa apparatýralarmen tolyq qamtamasyz etýge bıýdjet qarjysy jete bermeıtini ras, – degen oblys ákiminiń orynbasary A. Ábdýálıev shalǵaı el turǵyndaryna jasaǵan jaqsylyǵy úshin qor ujymyna ıgi ister jolyndaǵy jumystaryna tabys tiledi.
О́z kezeginde sóz alǵan Bolat О́temuratov qorynyń baǵdarlamalar menedjeri Dana Jaqsylyqova:
– Qordyń basty maqsaty – densaýlyq saqtaý, bilim jáne mádenıet salasyn damytýǵa qyzmet etý. Jarkent perzenthanasyna medısınalyq jabdyqtar tapsyrý Bolat О́temuratov qory men «Rihos Borovoe» qonaqúıiniń birlesken jobasy negizinde júzege asty. Bizdiń qor tarapynan sportta velosherý jáne medısınada múmkindigi shekteýli jandarǵa qoldaý kórsetýde birshama jumystar jasalýda, – dep qordyń atqaratyn jumystaryna toqtaldy.
Sondaı-aq, Jarkent perzenthanasynyń dırektory Gaýhar Baıdahanova kórsetilgen kómek úshin qaıyrymdy jandarǵa alǵysyn aıtty.
