«Eń aldymen Astanada túnde bolǵan órt saldarynan 5 adam qaıtys bolǵan qaıǵyly oqıǵaǵa baılanysty kóńil aıtamyn. Olardyń barlyǵy – qyzdar. Eń úlkeni – 13 jasta, eń kishisi – 3 aılyq» dedi Iýrıı Ilın.
Ol osy qaıǵyly oqıǵanyń bolý sebebine qysqasha toqtaldy. Kóktal-1 móltek aýdany, Shyńǵystaý kóshesindegi 5-úıde túngi saǵat 2-den 34 mınýt ketkende О́rt qaýipsizdigi qyzmetine kórshi úıden habar jetedi.
Habarlamaǵa sáıkes, Astana qalasynyń arnaıy mamandandyrylǵan 3 qutqarý bólimshesi jiberilgen. Tıisinshe, 15 qyzmetker jiberiledi jáne 2 mınýttan keıin jedel járdem stansasyna, polısııaǵa, sondaı-aq ózara árekettesý qyzmetine habarlanady.
О́rt bólimshesi men oqıǵa bolǵan jer aralyǵy, Iýrıı Ilınniń aıtýynsha, shamamen 4 kılometrdi quraıdy. Eki aralyqty júrip ótý ýaqyty - 7 mınýt. Al, qala qurylysyn eskersek, 10 mınýtqa deıin sozylady. О́rt shamamen 30 sharshy metr aýmaqty qamtyǵan.
