Halyqaralyq standarttarǵa saı jańa stadıon «Halyq Arena» muz kesheni mańynda salynady. Ǵımaratta bir mezgilde 5000 adam jattyǵa alady. Aýdan ákimi bıyl aýdan terrıtorııasyn abattandyrý boıynsha 12 joba júzege asatynyn aıtty.
«Bul qosymsha 2500 adamdy jumyspen qamtýǵa múmkindik beredi. Atap aıtsaq, «Dýman-2» shaǵyn aýdanyndaǵy, «Meńdiqulov», «Shýhov» skverleri, ortalyq meshittiń aınalasy, Jýrnalıster skveriniń, Memlekettik mýzeı aldyndaǵy alań men «28 Panfılovshylar» saıabaǵynyń mańaıy abattandyrylady. Conymen qatar, 10 kóshede ortasha jóndeý jumystary júrgizilmek. Al 19 kóshede jaryqtandyrý jasalady. 4 shaqyrym aryq jelisi jóndeledi. Dostyq, Áıteke bı, Tóle bı kósheleri qaıta jasaýdan ótedi. Sonymen qatar, Halyq arena ǵımaratynyń qasynan jeńil atletıkamen aınalysatyndarǵa 5000 oryndyq jabyq stadıon jasalady. Aýdanda 20 jekemenshik balabaqsha ashylady. Dýman shaǵyn aýdanyndaǵy úsh aýysymdyq mektepte oryn tapshylyǵyn sheshý úshin 850 balaǵa arnalǵan qosymsha ǵımarat salynady», - dedi Erjan Jylqybaev.
Onyń aıtýynsha, úsh jylda 400 aýla abattandyrylǵan. 2020 jylǵa deıingi damý baǵdarlamasyna sáıkes 47 úıde jóndeý jumystary aıaqtalady. 2018 jyly qalada ınjenerlik kommýnıkasııalyq jelilerdi júrgizý boıynsha aýqymdy jumys atqarylǵan. Gornaıa, Áıteke bı, Jambyl kósheleriniń boıymen 2,5 shaqyrymdyq sý jáne jylý jelisi jasaldy.
Sondaı-aq «Bıznestiń áleýmettik jaýapkershiligi» baǵdarlamasy aıasynda Almatyda ortalyq park jóndeldi. Oǵan 1,6 mlrd teńge jumsaldy.
