Osy ýaǵdalastyq aıasynda jergilikti tórt stýdent Saha elinde oqyp, tájirıbe jınaqtap kelgen edi. Endi, mine, kórshi eldiń stýdentteri osynda agronomııa men orman resýrstary jáne ormanshylyq mamandyqtary boıynsha bilimderin jetildirmek.
«SQMÝ Qazaqstanda jetekshi oqý oryndarynyń biri sanalatyndyqtan, stýdentterimiz kelýge qushtar. Mundaı áriptestik baılanys eki jaqqa da tıimdi. Bir-birimizden úırenerimiz kóp» deıdi Iаkýt memlekettik aýylsharýashylyq akademııasynyń oqytý jáne tárbıe jumystary jónindegi prorektory Anna Cherkashına.
Saha jerinde bilimin jetildirgen stýdentterdiń biri Dana Ádilova kórshi elde agronomııa baǵyty boıynsha dáris alypty. Bilim berý júıesi uqsas bolǵandyqtan tez beıimdelip ketipti. Tabıǵaty qatal aımaqta ósimdik sharýashylyǵyna mamandanypty. Jylqy sharýashylyǵy jaqsy damyǵanmen, ormandy alqaptardy iske uqsatý kenjeler qalǵan. Bul olqylyqty bilimin jetildirýge kelgen Mıroslav Maksımov ta moıyndaıdy. Ormanshylyqtyń qyr-syryn jete úırenip, el paıdasyna jaratqysy keletinin aıtady.
Ýnıversıtette «Utqyr» baǵdarlamasy boıynsha Reseıdiń Ýral federaldi ýnıversıteti jáne Slovakııanyń oqý oryndarymen tájirıbe almasý jóninde kelisim jasalǵan. Budan bólek jergilikti stýdentter Germanııa, Qytaı syndy memleketterde tájirıbe almasyp qaıtypty. Merýer Egizbaeva Qytaıdyń Shensı provensııasynda bolyp, zamanaýı tehnologııalarmen jumys isteýge tóselipti.
Aýyl sharýashylyq kafedrasynyń meńgerýshisi Murat Toqtardyń aıtýynsha, Qytaı eliniń Soltústik – Batys aýylsharýashylyq ýnıversıtetimen «Jibek joly» baǵdarlamasy boıynsha áriptestik qatynas ornatylǵan.
О́mir ESQALI,
«Egemen Qazaqstan»
Soltústik Qazaqstan oblysy
