«Búgingi otyrysymyzdy ótken jeksenbide, dúısenbige qaraǵan túnde Astanadaǵy qaıǵyly oqıǵadan bastaǵym kelip otyr. О́rt kezinde bir úıdiń órimdeı 5 balasy qaza boldy. Jantúrshigerlik jaǵdaı. Bir otbasynyń basyna túsken aýyr qaıǵy. Aı-kúnniń amanynda bes birdeı balasynan aıyrylyp qalǵan ata-anasyna qudaı kúsh-qýat bersin deımiz. Marqum bolǵan balalardyń ata-anasyna, týǵan-týystaryna qaıǵyryp kóńil aıtamyz. Alda mundaı jaǵdaıdy eshkimniń basyna bermesin dep tileıik» dedi Premer-Mınıstr.
Eske sala keteıik, 4 aqpan kúni túnde Saryarqa aýdanyndaǵy «Kóktal-1» turǵyn úı alabynda órt shyǵyp, onda jeke úıdiń aýmaǵyndaǵy shaǵyn úı órtengen. О́rt saldarynan 2006, 2009, 2014, 2016, 2018 jyly týǵan bes bala qaıtys boldy. Eń kishisi nebári úsh aıda bolǵan.
