Darqandyq pen keńpeıildik sharapaty
Beısenbi, 18 qazan 2012 7:49
OTANYMYZ – ORTAQ ÚIIMIZ
Qazirgi kezde Qazaq elinde yntymaq pen birliktiń basty quraly retinde qurylǵan Qazaqstan halqy Assambleıasy tabysty jumys isteýde. Memleket basshysynyń bastamasymen shańyraq kótergen bul qoǵamdyq ınstıtýt búginge deıin ózine júktelgen mindetti abyroımen atqaryp keledi.
Beısenbi, 18 qazan 2012 7:49
OTANYMYZ – ORTAQ ÚIIMIZ
Qazirgi kezde Qazaq elinde yntymaq pen birliktiń basty quraly retinde qurylǵan Qazaqstan halqy Assambleıasy tabysty jumys isteýde. Memleket basshysynyń bastamasymen shańyraq kótergen bul qoǵamdyq ınstıtýt búginge deıin ózine júktelgen mindetti abyroımen atqaryp keledi.
Sonyń nátıjesinde elimiz dostyq pen yntymaqtyń jeruıyǵy deýge ábden laıyq. Muny Elbasy Nursultan Nazarbaevtyń osy baǵyttaǵy sara saıasaty men ustanymynyń arqasy, Otanymyzdy mekendegen júzden astam etnostyń túsiniginiń myqtylyǵy, dostyǵynyń beriktigi deý oryndy. Ony usynylyp otyrǵan arnaıy bettegi maqalalar mazmuny da aıǵaqtaı túsedi.
Darqandyq pen keńpeıildik sharapaty
Bizdiń qoǵamdyq birlestigimiz 1991 jyly qurylyp, qazirgi tańda slavıan halyqtarynyń salt-dástúri men mádenıetiniń jańǵyrýyna aıtarlyqtaı úles qosyp otyr. Birlestik – Qazaqstan Táýelsizdiginiń qurdasy. Osynyń ózi ortalyqtyń elmen birge barlyq syndarly ótkelder men synaqty kezeńderdi bastan keshirip, ortaq Otanymyzdyń gúldenýine ózindik úles qosqandyǵyn ańǵartady ári tolǵanysty sezimge bóleıdi.
Táýelsiz memleketimiz qysqa merzimde kóp ulttylyǵymen qosa, birligi jarasqan, qut-berekesi molaıǵan el retinde álem nazaryna ilikti. Bul Elbasy, Ult kóshbasshysy N.Á.Nazarbaevtyń ustanyp otyrǵan salıqaly saıasaty men tuńǵysh ret Qazaqstan halqy Assambleıasyn qurǵandaǵy kóregendiginiń jemisi deýimiz kerek. Qoǵamymyzdyń basty qujaty – Prezıdenttiń dástúrli Joldaýlary halyqtar dostyǵy men ózara túsinistikti nyǵaıtý uranymen bastalatyny, bul baǵytta keń kólemdi jumystar júrgiziletini ár shańyraqtyń shattyq nury dep esepteımiz. Sondyqtan, oblysymyzdaǵy 41 etnomádenı birlestiktiń barlyǵy ózine júktelgen mindetterdi joǵary jaýapkershilikpen oryndap, Elbasy, Qazaqstan halqy Assambleıasynyń Tóraǵasy N.Á.Nazarbaevtyń senimin aqtaýǵa kúsh salatyny anyq.
Birlestigimizdi Kókshetaý qalasynyń qurmetti azamaty Zınaıda Sanchılo 15 jyl boıy basqaryp, jemisti izin qaldyrdy. О́zimiz de jastaý kezimizden ortalyq jumysyna aralasqandyqtan, eń basty qundylyǵymyz – ultty uıystyrýshy qazaq halqymen baýyrmaldyq qarym-qatynasty, dostyq túsinistikti nyǵaıtýdy birinshi kezektegi paryz sanaımyz. Bizdiń ǵana emes, oblysymyzdy mekendeıtin 130 ulystyń taǵdyrynda qazaq halqynyń keńqoltyq kóńili men tap-taza yqylas-peıili aıryqsha oryn alady. Bizde «Orys áni» halyqtyq án-bı ansambli, «Zlato» jastar vokaldyq ansambli men ózim jetekshilik etetin «Iýnost Sınegorıa», «Ýlybka» úlgili ansamblderi, basqa da múddeler boıynsha úıirmeler jumys istese, kez kelgen kópshilik sharamyz qazaq halqynyń mártebesin kóterýmen baılanystyryla júrgiziledi.
Birlestigimizdiń «Adam jáne onyń taǵdyry», «Juldyzdar juldyzdy jaǵady», «Álem bala kózimen», «Ázilimiz jarassa», balalarǵa arnalǵan «Jol qozǵalysy belgileri áleminde» atty is-sharalaryna qazaq, tatar, ýkraın, polıak, cheshen-ıngýsh, taǵy basqa etnostyń ókilderi qatysty. О́z kezeginde, bizdiń konserttik baǵdarlamalarymyz ózge etnostardyń án-bılerimen jarasymdy órnekteletinin aıtqym keledi.
Bizdiń ortaq úıimizde ulttyq, dinı salt-dástúrler men merekeler de ortaq. Biz osyndaı qyzyqty da qýanyshty kúnderde, taǵylymdy sharalarda árqashan birgemiz. Mine, ulystyń uly kúni – Qurban aıt meıramy da kelip qaldy. Musylman áleminiń aıtýly kúninde qazaq baýyrlarymyzdy, basqa da aǵaıyndarymyzdy ulyq merekemen shyn júrekten quttyqtaımyn. Birtutas Qazaqstanymyz jaınap jasaryp, jasampazdyq belesterden kórine bergeı.
Galına BÝLYChEVA,
«Istokı» slavıan mádenı-aǵartý
birlestiginiń tóraıymy.
Aqmola oblysy.
