J.Qasymbektiń aıtýynsha, mınıstrlik «Ashyq aspan» jobasy boıynsha Qazaqstan men AQSh arasynda áýe qatynasy týraly úkimetaralyq Kelisim jobasyn qol qoıýǵa ázirledi. Qol qoıý bıyl naýryz aıyna josparlanǵan.
Al «Jastar úshin qoljetimdi turǵyn úı qurylysyn qamtamasyz etý máselesin pysyqtaý» tapsyrmasy boıynsha «Jastar jyly» jol kartasyn iske asyrý maqsatynda aǵymdaǵy jyly Indýstrııa jáne ınfraqurylymdyq damý mınıstrligi Astana, Almaty jáne Shymkent qalalarynda jumys isteıtin jastar úshin 1 myńnan kem emes jalǵa beriletin páterlerdiń qurylysyn (nemese satyp alýyn) qolǵa almaq.
«Mınıstrlikpen naqty tetikteri men qarjylandyrý kózderi belgilendi. Bıýdjettik uıymdardyń qyzmetkerderi úshin baǵadarlamanyń qoljetimdiligin qamtamasyz etý úshin turǵyn úı sertıfıkattaryn berý máseleleri jóninde turǵyn úı zańamasyna túzetýler engizý boıynsha jumystar jumystar júrgizilýde» dedi J.Qasymbek.
Sonymen qatar, «7-20-25» baǵdarlamasyna, «Nurly jer» baǵdarlamasyna túzetýler engizilip, Turǵyn úı qurylys jınaq bankiniń qaryzdarynyń bastapqy jarnasynyń mólsherlemesi 30%-dan 20%-ǵa deıin tómendetilgeni týraly habarlady.
«Osy sharalar turǵyn úıdiń qoljetimdiligin barynsha qamtamasyz etedi» deıdi Indýstrııa jáne ınfraqurylymdyq damý mınıstri.
