«Qarqyndy baq sharýashylyǵyn damytýdyń salalyq baǵdarlamasy aıasynda biz 10 jylda 47 myń gektar alańda qarqyndy baq ósirý mindetin qoıyp otyrmyz, osylaısha ımportty almastyramyz», deıdi О́. Shókeev.
Sondaı aq sút baǵdarlamasy boıynsha sút óndirýdi 10 jylda 1 mln. tonnaǵa jetkizý kózdelip otyr. Onyń ındıkatıvtik kórsetkishteri anyqtalǵan. 2027 jylǵa deıin qýaty 400 bas sıyrdan bastalatyn 139 ónerkásiptik sút fermasyn, 400 basqa deıin sıyr ustaıtyn 527 otbasylyq sút fermasyn ashý josparlanýda.
Aýyl sharýashylyǵy mınıstriniń aıtýynsha, qus sharýashylyǵyn damytý baǵdarlamasy sheńberinde aldaǵy 10 jylda qus etin óndirýdi 3 esege (200 myń tonnadan 700 myń tonnaǵa deıin) arttyrý josparlanǵan. Bul syrttan keletin qus etin toqtatyp, óz-ózimizdi tolyqtaı qamtamasyz etýge múmkindik beredi.
Salalyq baǵdarlamalarǵa qatysýshylar úshin jer ýchaskeleri basymdyqpen beriledi, fermerlik sharýashylyqtarǵa mal, tehnıka men jabdyq satyp alýǵa, jaıylym ınfraqurylymyn salýǵa jeńildetilgen kredıt beriledi.
