Qostanaı qalasy oblys ortalyǵy ǵana emes, óńir ekonomıkasyn alǵa súıreıtin óndiristerdiń de shoǵyrlanǵan orny. Esepti jyly qala kásiporyndary 298 mlrd teńgeniń ónimin shyǵarǵan. Bul 2017 jylǵa qaraǵanda artyq. 12 myń mashına, 240 astyq jınaıtyn kombaın sapqa qoıyldy, 895 myń tonna un, 72 myń tonna sút, 52 myń tonna kondıter buıymdary óndirildi. Indýstrııalyq aımaqta ınvestorlar úshin barlyq jaǵdaı jasalǵan, ınvestısııalyq jobalar júzege asyp jatyr. Mundaı úzdik kórsetkishterdi jalǵaı berýge de bolady. О́ńir ekonomıkasynyń damýyna Qostanaı qalasy osylaı úles qosyp otyr. Degenmen, jańa ákimge zaldan túsken suraqtyń barlyǵy da áleýmettik máseleelrdi qozǵady. Eń aldymen qalanyń shetinde ornalasqan shaǵyn turǵyn aýdandardaǵy jol, jylý, jaryq máseleleri aldymen sóz boldy. Qalaishilik avtobýs qozǵalysy týraly suraqtar qaıtalandy.
Sonymen qatar, jaqynda ǵana mezgilsiz qaıtys bolǵan balalar dárigeri Dmıtrıı Gerasımovtyń atyn máńgi este qaldyrý úshin oblystyq balalar aýrýhanasyna nemese sol mańdaǵy bir kóshege dárigerdiń esimin berý kerektigi týraly qala turǵynynyń usynysyn zal qol shapalaqtap qoldady. Oǵan Qaırat Ahmetov oblystyq balalar aýrýhanasynda dárigerge arnap mýzeı ashýdy usyndy. Al oblys ák imi Arhımed Muhambetov bul uysynys qoldaýǵa turarlyq, biraq zań boıynsha marqumnyń qaıtaqanyna bes jyl ótken soń baryp, usynys jasaý kerek degen ýáj aıtty.
Ákim esebinde sondaı-aq, jastar jylyna baılanysty jataqhana máselesi, kóshedegi qara aǵashtardyń orynsyz qyrqylýy sekildi kóptegen suraqtar qoıyldy. Turǵyndar jınalysyn oblys ákimi Arhımed Muhambetov qorytyndylady, kóptegen turǵyndar suraqtaryna ózi de jaýap berdi.
«Qala ákimine qoıatyn turǵyndar talaby men nazy óte kóp. Onyń barlyǵyn júzege asyrýǵa qarjy jáne ýaqyt kerek ekenin aıtqym keledi. Qala turǵyndarynyń talaby, jaqsy, ıgi ister tek ákimmen ǵana emes, turǵyndardyń óziniń ynta-yqylasymen, patrıottyǵymen de múkin bolady. Árqaısysymyz «men qalaǵa ne istedim, qandaı kómek jasadym?» degen oıdy kóńilden shyǵarmańyzdar» dedi Arhımed Begejanuly.
Ol qalanyń jańa ákimi Qaırat Ahmetovke qyzmette tabys tiledi.
Názıra Járimbet,
«Egemen Qazaqstan»
Qostanaı
