«Kásipkerler salyq eseptiligin toltyrýdy meńgermeýi saldarynan qaryz bolyp otyr. Keıbireýleri qujattardy der kezinde tapsyrýdan keshikken. Memlekettik kirister departamenti tarapynan olardyń qujat daıyndaýyna kómektesetin mamandar bar», deıdi atalǵan departamenttiń bas mamany Baýyrjan Omartaev.
Alaıda ishnara kásipkerler óz shyǵyndarynyń úlesi kóp ekendigin aıtyp, salyq tólemderiniń qarjysyn azaıtýdy alǵa tartady. Kóterme jáne bólshek saýda dúkenderin ashqandary jalǵa alǵan orynnan tys tabystyń taǵy bir bólshegin salyqqa berýge yntaly emes.
Al, jer qoınaýyn paıdalanýshy kásipkerler óz salalaryna baılanysty salyqtyń zańnamalyq bóligin qaıta qaraýdy jáne tarıfterdi tómendetýdi suraıdy. Qatań tıymdar zańsyz jumysshylar sanynyń artýyna alyp keledi. Jer qoınaýyn paıdalanýshylardyń arasynda adal eńbek etip júrgenderdi bul bankrottyqqa ushyratady dep esepteıdi.
Shymkenttik kásipker Abýtalıp Erimbetovtyń pikirinshe jer qoınaýyn paıdalanýshylar úshin jańa salyq stavkasy boıynsha 96 teńge alynady eken. Máselen qıyrshyq qumnyń quny 300 teńge bolsa, 33 paıyz salyqtyń tek bir túrine jumsalady, al, kiris, áleýmettik jáne taǵy da basqa salyqtardy qosqanda bul tólem qaltaǵa salmaq salady deıdi.
Nurshat TО́KEN,
«Egemen Qazaqstan»
Shymkent
