Jıynǵa qatysýshylar elimizdegi negizgi saıası kúsh – «Nur Otan» partııasynyń qurylǵanyna 20 jyl tolǵanyn erekshe aıta kelip, uıym Elbasy, partııa Tóraǵasy Nursultan Ábishuly Nazarbaevtyń tapsyrmasyn basshylyqqa ala otyryp, zaman talabyna saı jańa bıikterdi baǵyndyryp kele jatqanyna toqtaldy. Osy rette «Partııalyq jańǵyrýdyń 2018-2020 jyldarǵa arnalǵan keshendi is-sharalar jospary» bekitilgen.
Májilis depýtaty Maıra Aısına bastaýysh partııa uıymdary árdaıym partııanyń alǵy sheptegi qozǵaýshy kúshi bolǵandyqtan, olarǵa júkteletin jaýapkershiliktiń de zor ekenin alǵa tarta kelip, partııanyń 20 jyl ishindegi jetistikterine toqtaldy.
Sonymen birge, Prezıdentimizdiń memleketti damytý jolyndaǵy bastamalaryn zańdyq turǵydan qamtamasyz etý jolynda atqarylyp jatqan jumystar tóńireginde baıandady.
Konferensııa barysynda Memleket Basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýyn iske asyrý barysy týraly aıtylyp, «Nur Otan» partııasynyń 2030 jylǵa deıingi Baǵdarlamasy jobasynyń negizgi erejeleri talqylandy.
Shara sońynda «Nur Otan» partııasy, Túrkistan oblystyq fılıalynyń konferensııasyna delegattar saılandy.
