Depýtattarmen birge «Nur Otan» partııasy Qyzylorda oblystyq fılıaly tóraǵasynyń orynbasary Erjan Baıtiles jáne aýdan ákimi Muhtar Orazbaev birqatar nysandardy aralady.
Halyq qalaýlylary aldymen «Qambash» olımpıada jáne qosymsha bilim berý ortalyǵynda bolyp, ujymymen kezdesti.
«Araltuz» AQ tuz óńdeý sehyndaǵy tuzdy óńdeý, qaptaý, brıketteý, týbýs qorapshalaryna salý, polıetılen paketterin shyǵarý jumystarymen tanysty. Ujymmen qyzmetkerlerine as tuzynyń mańyzdylyǵyn aıta otyryp, jumystaryna sáttilik tiledi.
Májilismenderdiń kelesi aıaldaǵan jeri qarasha aıynda paıdalanýǵa berilgen 150 tósektik ortalyq aýrýhana boldy. Jańa qural-jabdyqtardy kórip, aýdandaǵy densaýlyq saqtaý salasyndaǵy jańalyqtarǵa qanyq boldy. Odan soń aýrýhana ishin aralap, emdelýshilermen jáne aqhalatty jandarmen júzdesip, pikir almasty.
Sodan keıin jańadan salynǵan 27 kommýnaldyq bir páterli turǵyn úılerdiń jaǵdaıymen tanysyp, turǵyndarmen kezdesti. Halyq qalaýlylary turǵyndardy jańa qonystarymen quttyqtap, aýlalaryńyzdy kógaldandyryp, turǵyn úılerdi osy qalpynda taza ustaý jóninde pikirlerin jetkizdi. О́z kezeginde turǵyndar da rızashylyqtaryn bildirdi.
Jumys sapary №14 N.Krýpskaıa atyndaǵy mektep-lıseıinde jalǵasty. Prezentasııa arqyly mektep tarıhymen tanysqan depýtattar, robotehnıka kabınetinde jáne zamanaýı quraldarmen jabdyqtalǵan hımııa kabınetinde bolyp, oqýshylardyń shyǵarmashylyq jumystarymen, sondaı-aq jasap jatqan tájirıbe jumystaryna kýá boldy.
