Aýyl • 04 Aqpan, 2019

Jańasha oqytý – zaman talaby

1060 ret

kórsetildi

1 mın

oqý úshin

2017 jylǵy qańtar aıynda «Qazaqstannyń úshinshi jańǵyrýy: jahandyq básekege qabilettilik» atty Joldaýynda Elbasymyz N.Á.Nazarbaev «qazirgi zamanda jastarǵa aqparatty tehnıkamen baılanysty álemdik standartqa saı múddeli jańa bilim berý óte qajet» dep atap ketkenindeı, ınnovasııalyq ádis-tásilderdi keńinen qoldaný arqyly jańasha bilim berý árbir ustazdyń mindeti.

Egemen Qazaqstan

Búgingi kúnge deıin bilimniń 60 paıyzyn muǵalim berip, 40 paıyzyn oqýshy ózi izdenip tabatyn edi. Endi ınternetten aqparat alyp, saralaı bilýdi, aqparattyq tehnologııalardy keńinen paıdalaný arqyly oqýshylardyń bilimin damytýdy qolǵa aldyq. Nátıjesinde, qazirgi Bilimland, Itest saıttaryna, Bilimbook júıesine kirip, UBT ǵa jáne qorytyndy attestattaýǵa daıyndyq barysynda oqýshylar jan-jaqty izdenip, qajetti materıaldardyń 70-80 paıyzyn ózi taýyp, daıyndalatyn boldy.

Oqýshy óz maqsatyn aıqyndaı otyryp, problemany sheshýge árekettenedi, bilimdi jete meńgerý úshin óziniń barlyq iskerligin paıdalanady. Qazaqstan Respýblıkasynyń azamaty eliniń erteńgi bolashaǵy qandaı bolatynyna jaýapty. О́zi ómir súrip otyrǵan qoǵamdy ári qaraı damytý onyń mindeti jáne paryzy. Olaı bolsa, árbir oqýshynyń óz Otanynyń tarıhyn bilýi asa mańyzdy. Qorytyndy attestattaý men UBT ǵa daıyndyq barysynda «Qazaq handyǵynyń qurylýy» taqyrybynda jańa ádis-tásilderdi paıdalanyp sabaq josparyn jasadym. О́z oıymdy basqalarmen bólisýdi jón kórdim.