Bul konferensııa QR ǵylymy men tehnıkasyna eńbegi sińgen qaıratker, zań ǵylymdarynyń doktory, professor Elegen Iztileýuly Qaıyrjanovty eske alýǵa da arnaldy. Konferensııa moderatory Parlament Májilisiniń depýtaty Nurlan Ábdirov jáne basqalar marqum Elegen Iztileýulynyń eńbegi men ustazdyq joly týraly eske aldy.
Halyqaralyq mamandar men ǵalymdardyń basyn qosqan konferensııa «Qazaqstan-2050» Strategııasynyń konteksindegi qylmystyq saıasat pen zańdylyq deńgeıin arttyrýdy, quqyqtyq tártip pen qylmystyq qaýipsizdikti júzege asyrý aıasyndaǵy quqyqtyq – sot reformasyn, 2010 – 2020 jyldar aralyǵyndaǵy Qazaqstan Respýblıkasynyń quqyqtyq saıasat konsepsııasyn, 2017 – 2020 jyldarǵa arnalǵan quqyq qorǵaý organdaryn odan ári jetildirý jónindegi Memlekettik baǵdarlamany, «100 qadam» Ulttyq Josparyn, Ekonomıkalyq birlestik pen damý uıymynyń (EBDU) standarttary men ındıkatorlary deńgeıinde zańnyń ústemdik etýi jónindegi Prezıdent baǵdarlamalaryn ádisnamalyq jáne tuǵyrnamalyq jaǵynan modernızasııalaýdy qamtamasyz etýge yqpal jasaýdy óz jumysynyń maqsatyna aınaldyrdy. О́ıtkeni qazir qylmys saıasatyn izgilendirýmen birge bar múmkindiginshe qylmystyń aldyn alý negizgi baǵdar bolyp tabylady. Konferensııaǵa qatysqan QR Parlamenti Májilisiniń depýtaty, ondaǵy Zańnama jáne sot-quqyqtyq reforma komıtetiniń múshesi Asylbek Smaǵulov ta qoǵamdaǵy qylmystyń aldyn alý ǵana bul salada túpki nátıje beretindigin aıtty.
«Elbasy tapsyrmasy da qylmystyń aldyn alýǵa saıady. Ol úshin ne isteý kerek? Eń aldymen profılaktıkalyq jumystarmen aınalysý kerek. Onyń joldary da, jumysy da kóp. Qylmysqa alyp keletin jáne qylmysty boldyrmaýdyń joldaryn izdestirýimiz qajet. Bul kúrdeli de kóp jumys, onyń tarmaǵy óte kóp. Bul tek polıseılerdiń, zańgerlderiń ǵana emes, búkil qoǵamnyń qyzmeti bolýy tıis, osy jumysqa ǵalymdar men mamandar barlyq qoǵamdy jumyldyra bilýi tıis. Biz sonyń mehanızmin tapsaq, qoǵamda qylmys azaıady» dedi Asylbek Aıjaryquly.
Konferensııada sóılegen ǵalymdar, krımınologtar qylmys saıasatyn izgilendirý men qylmystyń aldyn alý úshin ózderindegi úzdik tájirıbelerdi, pikirlerin, jaqsy jańalyqtardy ortaǵa saldy.
Názıra JÁRIMBET,
«Egemen Qazaqstan»
Qostanaı
