Ustazdar qaýymy XXI ǵasyrdyń tulǵasyn qalyptastyrady

Prezıdent sondaı-aq ár Jol­daýynda basty nazardaǵy másele re­tinde «Elimizdiń erteńgi bolashaǵy – ustazdardyń qolynda» dep el us­tazdaryna senim artyp otyrady. Ol senimge jetý, ıaǵnı, órkenıetti elder qatarynan kóriný úshin, zaman talabyna saı bilim qajet ekeni bilgili.

Qaı eldiń de ósip-órkendeýi, ǵa­lamdyq dúnıede ózindik ornyn alýy ulttyq bilim júıesiniń deńgeıine, damý baǵytyna baılanysty. «Ur­­paǵy bilimdi halyqtyń bolashaǵy bu­lyńǵyr bolmaıdy» degendeı, jas urpaqqa sapaly, mán-maǵynaly, ónegeli tárbıe men bilim berý – qa­zir­­­­gi ýaqyttyń basty talaby. Árbir oqýshyny oqytyp tárbıeleýge baılanysty máselelerdi ózdigimen jáne shyǵarmashylyq yntamen sheshýge qabiletti jańashyl muǵalimniń róli erekshe. 

Búginde ustaz aldyna qoıylatyn talap erekshe. Sondyqtan muǵalim árdaıym izdenip, bilimin je­til­dirip, jańalyqqa áýes bolýǵa tıis. Ǵylym men bilimge qoıar talap ar­typ, oqý júıesi de kúrdelengen shaq­ta jańa qoǵam muǵalimine júk­teler jumys eselene túspek. Bi­lim berý mazmuny jańaryp, jańasha kóz­qaras paıda boldy. 

Jańartylǵan bilim berýdiń ma­ńyzdylyǵy – oqýshy tulǵasynyń úılesimdi qolaıly bilim berý ortasyn qura otyryp, syn turǵysynan oılaý, zertteý jumystaryn júrgizý, tájirıbe jasaý, AKT-ny qoldaný, kommýnıkatıvti qarym-qatynasqa túsý, jeke, juppen, topta jumys isteı bilýge baýlý. Jańa bilim berý baǵdarlamasy synı turǵydan oı­laýǵa, shyǵarmashylyqty qoldana bilýge jáne ony tıimdi júzege asyrý úshin qajetti oqytý ádis – tásilderin úıretedi. 

Elbasymyz usynyp otyrǵan qa­zirgi ǵalamdyq jańartýlar men zamanaýı ózgerister sheńberindegi bilim berýdiń maqsaty – álem­dik sapa deńgeıindegi jańa ın­no­va­sııalyq bilim keńistigin kurý já­ne jas urpaqty absolıýttik jal­­­­­py­­­­­adamzattyq qundylyqtar ne­gizinde adamgershilikke tárbıeleý. Qo­­ǵamdyq qajettilik pen tarıhı ke­zeń júktep otyrǵan bul maq­sat­tyń jú­ze­­ge asyrylýy bilim alý­shylardyń ózin­dik ulttyq sanasy, aza­mattyq aı­qyndamasy, ıntel­lektýaldyq oı-óri­si, jaýapkershilik sezimi, jalpy má­denıeti jáne shy­ǵar­mashylyq qabi­letterine baılanysty ekendigi sózsiz.

Búgingi bilim berý júıesi mo­der­nızasııalanǵan zamanda kóp tildi meńgerýge nazar aýdarylyp, jan-jaqty jol ashylyp otyr. «Kele­shekke kemel bilimmen» dep Elbasy N.Nazarbaev ustanym etkendeı, álem­dik bilim keńistiginiń qupııa­laryna úńilip, qoǵamǵa beıim, óz qabiletin tanyta alatyn, jan-jaqty damyǵan, birneshe tildi meńgergen quziretti tulǵany qalyptastyrý basty maqsattardyń biregeıi bolyp otyr. Sondaı-aq úshtildi oqytý – zaman talaby. Úshtildilik – básekege qabiletti elder qataryna aparar bas­­­­­­paldaqtardyń biri. Osy oraıda mek­­tebimizde semınarlar, túrli koýchıngter, jarys sabaqtary ótkizilip otyratyndyǵyn aıta ketkenimiz jón.

Negizinen oqý men bilimdegi tyń serpilisterdiń maqsaty – HHI­­ ǵa­syr daǵdylaryn damytýǵa ba­ǵyt­­­talǵandyǵynda, ıaǵnı muǵa­lim­der aldyndaǵy úlken mindet ǵy­lym men tehnıkanyń damýyna sáı­kes oqýshynyń bilimi tereń, oıy ush­qyr, qabiletti, álemdik standart deń­­­­­geıinde jumys isteı alatyn, qu­zyr­ly tulǵany qalyptastyrý bolýy kerek. Osy turǵyda muǵalim úzdiksiz iz­deniste júrýi tıis.

Qarlyǵash QARABASOVA,

Y.Altynsarın atyndaǵy orta mekteptiń muǵalimi

Qostanaı oblysy,

Amangeldi aýdany