Júrektiń sol jaq qarynshasynyń kómekshi qurylǵysy adamǵa erkin qozǵalýǵa múmkindik beredi. Sebebi syrtqa eshqandaı kabelder shyǵyp turmaıdy. Bul birqatar asqynýdy boldyrmaıdy jáne ómir súrý sapasyn edáýir jaqsartady. Aıta ketý kerek, bul jaǵdaı kardıohırýrgııalyq tájirıbede alǵash ret bolyp, álemdegi biregeı jáne jalǵyz oqıǵa boldy», - dedi «Ulttyq ǵylymı kardıohırýrgııa ortalyǵy» AQ Basqarma tóraǵasy Iýrıı Pıa.
Tolyǵymen ımplantasııalanatyn qurylǵy (FIVAD) - pasıentterge syrtqy qýat kózine tikeleı qosylmaǵan, ómir súrýge múmkindik beretin álemdegi alǵashqy kómekshi qurylǵy. Innovasııalyq qurylǵy Izraılde jasalǵan. Onyń qyzmeti kádimgideı kardıostımýlıatormen birdeı. Biraq eshqandaı symdary joq. Sonyń arqasynda erkin qozǵalyp, salamatty ómir saltyn ustanýǵa tolyq múmkindik bar.
«FIVAD júrek fýnksııasynyń jetispeýshiliginiń termınaldyq satysyn emdeýde paradıgma men tásilderdi ózgertýde úlken perspektıvaǵa ıe. Biz bul serpindi tehnologııalyq jetistikti usynýǵa qýanyshtymyz, ol emdelýshilerge hırýrgııalyq aralasýdan keıin tolyqqandy jáne sapaly ómir súrýge múmkindik beredi», - dedi Iýrıı Vladımırovıch.
Aıta ketsek, Leviticus Cardio Ltd kompanııasy FIVAD úshin symsyz qorektený tehnologııasynyń ónertapqyshy, onyń klınıkalyq qoldanylýyn keńeıtýdi, táýekelderdi azaıtýdy jáne sońǵy satyda júrek jetispeýshiligin emdeý sapasyn arttyrýdy josparlap otyr. Sonymen qatar, bul jańashyldyq terapııa aýqymyn keńeıtip, óz kezeginde donorlardyń jetispeýshiligimen shektelgen júrek transplantasııasyna balamaly tehnologııalyq balama usyna alady.
