Boks • 06 Aqpan, 2019

Pragadaǵy UFC týrnırinde aıqasatyndar anyqtaldy

209 retkórsetildi

23 aqpanda Chehııanyń bas shahary – Pragada ótetin UFC týrnırinde Reseıde turatyn qandasymyz Damır Ismaǵulovtyń ıspanııalyq Djoel Alvarespen aıqasatyny jaıynda biz buǵan deıin de habarlaǵanbyz.

Keshe aıtýly jarysta óner kórsetetin barlyq sportshylardyń esimderi belgili boldy.  Osy keshtiń basty jekpe-jeginde jartylaı aýyr salmaqtaǵy polshalyq Iаn Blahovıch pen brazılııalyq Tıago Santos kúsh synasady.

О́zge kezdesýler Djon Dodson – Pıotr Iаn, Stefan Strýve – Markos Rojerıo de Lıma, Lız Karmýsh – Lıýsı Pýdılova, Danıel Teımýr — Krıs Fıshgold, Damır Hadzovıch – Marko Polo Reıes, Rýstam Habılov – Dıego Ferreıra, Gıan Vılante – Mıhal Oleksııchýk, Magomed Ankalaev –Darko Stoshıch, Gılıan Robertson – Veronıka Masedo, Karlo Pedersolı –Dýaıt Grant arasynda ótedi.

28 jastaǵy Damır Ismaǵulov úshin bul UFC-degi ekinshi básekesi. Alǵashqysyn Avstralııada ótkizgen qazaq jigiti jergilikti sportshy Aleks Gordjesti upaı sanymen utqan bolatyn. Onyń aldynda qandasymyz M-1 nusqasy boıynsha chempıondyq belbeýdi ıelendi. Damırdiń qarsylasy da óte myqty. 25 jastaǵy Djoel Alvares 16 jekpe-jek ótkizip, 15 márte jeńiske jetti. Sol básekelerdiń barlyǵyn ol merziminen buryn aıaqtaǵan.      

Ǵalym SÚLEIMEN,

«Egemen Qazaqstan»

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar