Onyń aıtýynsha, «Nátıjeli jumyspen qamtý jáne jappaı kásipkerlikti damytý» baǵdarlamasyn júzege asyrý aıasynda ózin-ózi jumyspen qamtyǵandar, jumyssyzdar jáne az qamtylǵan azamattar qatarynan 49761 adam halyqtyń jumyspen qamtylýyna járdemdesýdiń belsendi sharalarymen qamtylyp, 6,8 mlrd.teńge ıgerilgen.
«Kásiptik jáne tehnıkalyq daıyndyqqa 1085 aqtóbelik jiberildi, 819,3 mln.teńge bólinip, ıgerildi, qysqa merzimdi kásiptik oqytýdan 2676 adam ótip, olardyń 2034-i jumysqa ornalasty. "Bastaý Bıznes" jobasy aıasynda 2231 adam kásipkerlik negizderine oqytylyp, olardyń 581-i óz bıznes-jobalaryn qorǵady, 516 adamǵa qarjy berildi. 997 adam 4669,3 mln. teńge kólemindegi shaǵyn nesıe aldy. О́z bıznes-ıdeıalaryn júzege asyrý maqsatynda 117 adamǵa memlekettik granttar berildi. Bos jumys oryndaryna 28 669 adam jumysqa ornalastyryldy, onyń ishinde memlekettik jáne úkimettik baǵdarlamalar, óńirlerdi damytý baǵdarlamalary sheńberinde 2186 adam jumyspen qamtyldy», - dedi basqarma basshysy.
Sondaı-aq, oblystyń 2024 turǵyny áleýmettik jumys oryndaryna jumysqa ornalasty, 1301 adam turaqty jumys oryndaryna kirdi, 2587 adam «Jastar tájirıbesinen» ótý múmkindigin paıdalandy, onyń ishinde turaqty jumys oryndarymen 1256 adam qamtamasyz etildi. Qoǵamdyq jumystarmen 8849 adam qamtyldy, 15 ınfraqurylym jáne turǵyn úı-kommýnaldyq sharýashylyq nysandaryn jóndeý jumystary aıaqtaldy.
Osy baǵdarlamany iske asyrý sheńberinde 2019 jyly 38 153 adamdy jumyspen qamtýdyń belsendi sharalarymen qamtý josparlanýda, onyń ishinde kásiptik jáne tehnıkalyq oqytýǵa 1085, qysqa merzimdi kásiptik oqytýǵa 2870 adam jiberilip otyr. «Bastaý Bıznes» jobasy boıynsha kásipkerlik negizinde 1125 adam oqytylatyn bolsa, 1526 adam áleýmettik jumys oryndaryna jiberilip, oqý ornyn bitirgen 2340 túlekti «jastar tájirıbesine» jiberý, qoǵamdyq jumystarmen 5111 adamdy qamtý josparlanýda.
