Aımaqtar • 07 Aqpan, 2019

Oralda zeınetker áıeldi tonaǵan qylmysker ustaldy

235 retkórsetildi

4 aqpan kúni keshki saǵat 5-ten óte Oral qalasy Gagarın kóshesindegi 99-úıdiń aýlasynda qylmys boldy. Tepse temir úzetin jas jigit aýlada, esik aldynda demalyp otyrǵan zeınetker áıelge qol jumsap, uryp qulatyp, qaltasynan «Homtom HT16» markaly uıaly telefonyn alyp ketken.

1945 jyly týǵan qorǵansyz áıelge qarsy jasalǵan osy qylmys aýlada ornatylǵan beınebaqylaý kamerasyna bastan aıaq jazylyp qalypty.

Beti-denesi kógerip-isip, dene jaraqatyn alǵan jábirlenýshini polısııa qyzmetkerleri Oral qalalyq kópbeıindi aýrýhananyń jaraqat bólimine jetkizip, oǵan alǵashqy medısınalyq járdem kórsetilgen. «Ol ambýlatorııalyq em-dom alady», - dep habarlady jergilikti densaýlyq saqtaý basqarmasynyń baspasóz qyzmeti.

«Jedel-izdestirý is-sharalary nátıjesinde Oral qalasy PB patrýldik-polısııasy batalonynyń qyzmetkerleri osy qylmysty jasaǵan úshin 1981 jyly týǵan kúdiktini anyqtap, ustady. Kúdikti ýaqytsha ustaý ızolıatoryna qamaýǵa alyndy. Atalǵan fakti boıynsha Qylmystyq kodekstiń 191-baby 2-bólimine (tonaý) sáıkes sotqa deıingi tergeý júrgizilýde» dep habarlady BQO Polısııa departamenti baspasóz qyzmetiniń ókili Álııa Naýryzǵalıeva.

2018 jyly Oral qalasyndaǵy beınebaqylaý kameralary arqyly 16 104 zańbuzýshylyq anyqtalǵan bolatyn.

Qazbek QUTTYMURATULY,

«Egemen Qazaqstan»

Batys Qazaqstan

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar