Aımaqtar • 07 Aqpan, 2019

2018 jyly Batys Qazaqstanda 450 shaqyrym jol salyndy

333 retkórsetildi

Batys Qazaqstan oblysy elimiz boıynsha avtokólik joldarynyń sapasy eń tómen oblystardyń qataryna jatady. Sońǵy jyldary jol qurylysy qarqyn alyp, 2018 jyly ǵana túrli dárejedegi 450 shaqyrym salyndy. Sonyń ózinde jyl qorytyndysy boıynsha óńirdegi jaqsy jáne qanaǵattanarlyq jaǵdaıdaǵy jergilikti mańyzy bar joldarynyń úlesi – 28,7 % jetken.

- Qazirgi tańda Batys Qazaqstan oblysy boıynsha avtomobıl joldarynyń jáı-kúıi óte mańyzdy másele bolyp tur. О́ıtkeni temirjol bir búıirden ótedi. Basym kópshilik aýdan úshin avtokólik qatynasy – jalǵyz ǵana baılanys amaly. Jolaýshylar da, júk tasymaly da osy avtojol arqyly júredi. Bul óńirdiń áleýmettik-ekonomıkalyq damýyna da óte zor áser etetindigi de sózsiz, - deıdi Batys Qazaqstan oblystyq jolaýshylar kóligi jáne avtomobıl joldary basqarmasynyń basshysy Medet Shaqaev.

Batys Qazaqstan oblysynda avtomobıl joldarynyń jalpy uzyndyǵy 6 496,3 km eken. Onyń ishinde respýblıkalyq mańyzy bar joldar – 1 392,6 km, oblystyq jáne aýdandyq mańyzy bar (jergilikti) joldar – 5 103,7 km. Jalpy alǵanda joldardyń 2 288 km (35,2%) shaqyrymy ǵana asfaltbeton jabyndyly.

О́ńirdegi jol qatynasy ahýalynyń qanshalyq qıyn bolǵanyn ózińiz baǵamdańyz: kúni keshege deıin oblystaǵy aýdan ortalyqtarynyń teń jarymyna qatqyl tabandy jol bolǵan joq. 2014-2017 jyldary ǵana óńirdiń eń mańyzdy máselesi jartylaı sheshildi. «Jympıty-Qaratóbe», «Aqsaı-Shyńǵyrlaý», «Chapaev-Jańaqala-Saıqyn» avtojoldarynyń telimderin qaıta jańǵyrtý jáne kúrdeli jóndeý arqyly jalpy sany 56 myńnan astam adam turatyn 74 eldi mekeni bar Qaratóbe, Shyńǵyrlaý, Jańaqala aýdan ortalyqtary asfaltbetondy jolǵa jalǵanyp, oblys ortalyǵymen qosyldy.

О́ńirde jol salasynda eń aýqymdy jumystar ótken jyly atqaryldy. 2018 jyly 33,8 mlrd teńge bólingen qarajatqa 450 km jol jóndeldi. Onyń ishinen respýblıkalyq mańyzy bar 285 km, jergilikti mańyzy bar 77,9 km jol salyndy. Aqsaı qalasy men basqa aýdan ortalyqtarynda 38,8 km aýylishilik jol salynsa, Oral qalasynyń ózinde jańadan 50 shaqyrym kóshe joldary jańartyldy.

Oraldaǵy oń ózgerister Qazaqstannyń halyqaralyq kólik qatynasyna da oń serpin berdi. «Nurly jol» baǵdarlamasy sheńberinde Batys Qazaqstan oblysy aýmaǵynda respýblıkalyq mańyzy bar «Oral-Tasqala-RF shekarasy (Ozınkı baǵyty)» 100 km avtojolyn qaıta jańǵyrtý jobasy aıaqtaldy. Jol II tehnıkalyq sanatqa qaıta jańǵyrtyldy. Joldyń júretin bóliginiń eni 7,5 metrge jetip, beltemirge túsetin 13 tonna salmaqty kóteretin sapaly asfaltbeton jabyndysymen qamtamasyz etildi. 20 jylǵa kepildik berilgen bul jolmen táýligine 4 403 avtokólik óte alady. Reseı Federasııasymen shekaradaǵy «Tasqala» ótkizý pýnktinde jolaqtar sany artyp, shekarada avtokólik pen jolaýshy keptelisin joıdy. «Bul óz kezeginde memleket ımıdjine oń áser etedi. О́ıtkeni kez kelgen memleket týraly alǵashqy pikir shekara men kedende qalyptasady ǵoı» deıdi Medet Shaqaev.

Batys Qazaqstanda qazir oblystyq mańyzy bar «Úlken Shaǵan-Peremetnoe-Vechnyı» 0-32 km avtojolynda da kúrdeli jóndeý júrip jatyr. Ol buıyrsa 2019 jyly paıdalanýǵa berilmek. Atalǵan avtojol eki respýblıkalyq mańyzy bar «Oral-Atyraý» jáne «Oral-Tasqala-RF shekarasy (Ozınkı baǵyty)» avtojoldaryn qosady. Jobany iske asyrý oblys ortalyǵy joldaryn Atyraý-Saratov jáne keri baǵyttarda kólik quraldary aǵymynyń azaıýyna múmkindik beredi.

О́ńirde jol qurylysynyń qarqyny 2019 jyly da qyzý bolmaq. Iаǵnı 27,6 mlrd. teńge qarajatqa 465 km jol jóndeý josparlanyp otyr. Jyl ishinde jańa jáne bastalǵan jobalardy iske asyrýǵa qosymsha qarjylandyrý kútilýde.

Respýblıkalyq mańyzy bar «Chapaev-Jalpaqtal-Qaztalov-RF shekarasy», «Samara-Shymkent», «Oral-Atyraý» jáne oblystyq mańyzy bar «Úlken Shaǵan-Peremetnoe-Vechnyı», «Shyńǵyrlaý-Aqshat-Segizsaı», «Fedorov-Aqsaı», «Bórli-Aqsaı-Jympıty», «Tasqala-Aqqýraı-Bolashaq-RF shekarasy» avtojoldary bólikterinde jóndeý jumystaryn jalǵastyrý josparlanǵan.

- Osyndaı keshendi jumystardyń nátıjesinde 2019 jyldyń qorytyndysy boıynsha jaqsy jáne qanaǵattanarlyq jaǵdaıdaǵy jergilikti mańyzy bar avtomobıl joldarynyń úlesin – 30,2 % deıin jetkizý josparlanýda, - deıdi Batys Qazaqstan oblystyq jolaýshylar kóligi jáne avtomobıl joldary basqarmasynyń basshysy Medet Shaqaev.

2018 jyly Memleket Basshysynyń batys Qazaqstan oblysyna sapary kezinde Elbasy tarapynan sheshilgen úlken másele – BQO-nyń ortalyǵyn ońtústik aýdandarmen sapaly jol qatynasy edi. Osy tapsyrmany oryndaý maqsatynda Qaztalov, Jánibek jáne Bókeı ordasy aýdandyrynyń ortalyqtaryn Oral qalasymen jalǵaý úshin uzyndyǵy 245 km quraıtyn avtojoldy kúrdeli jóndeý josparlanǵan. Onyń ishinde «Qaztalov-Jánibek-RF shekarasy» avtojoly - 142 km, «О́nege-Bısen-Saıqyn» avtojoly – 103 km. Medet Mahambetulynyń aıtýynsha, qazirgi ýaqytta bul joldardyń jobalyq-smetalyq qujattamasy jasaqtalyp, memlekettik saraptamaǵa joldanǵan. Memlekettik saraptamanyń oń qorytyndysyn alǵannan keıin naqty qurylys bastalmaq. Osy úshin 2019 jylǵa arnalǵan bıýdjet jobasynda 10 mlrd. teńge josparlanǵan. Sóıtip 2021 jyldyń sońyna deıin Orda men Jánibekke de asfalt jol jetedi.

Bir qýanarlyǵy, Oraldan Orynbor qalasy baǵytynda avtojolyn qaıta qurý máselesi boıynsha da jumys júrgizilip jatyr eken. BQO jolaýshylar kóligi jáne avtomobıl joldary basqarmasynyń basshysynyń aıtýynsha, «Podstepnoe-Fedorov-RF shekarasy baǵytyndaǵy 144 shaqyrymdyq avtojoldy qaıta jańǵyrtý boıynsha da jobalyq-smetalyq qujattama jasaqtalyp jatyr eken. Ol da 2019-2021 jyldar aralyǵynda iske aspaq.

Jol salynsa, tamyrmen qan júredi, aýyl ekonomıkasyna jan kiredi. Aq Jaıyq óńiri halqy aldaǵy úsh jyldy asyǵa kútip otyr.

Qazbek QUTTYMURATULY,

«Egemen Qazaqstan»

Batys Qazaqstan

Sońǵy jańalyqtar

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar