Qazaqstan • 07 Aqpan, 2019

Rýdnyıda jol qaýipsizdigin baqylaıtyn qurylǵy ornatyldy

260 retkórsetildi

Eýrazııalyq Top (ERG) quramyndaǵy Sokolov-Sarybaı ken baıytý óndiristik birlestiginiń bastamasymen Rýdnyı qalasynyń kóshelerine «Jaıaý júrginshi tory» dep atalatyn eki aqparattyq-eskertpe quraly ornatyldy. Ken alybynyń bul bastamasy qaladaǵy jol qozǵalysy kezinde júrginshiler qaýipsizdigine septesý maqsatynan týǵan edi.

– Qala joldarynyń jaıaý júrginshiler kóbirek ótedi degen tusynda qozǵalys tetikterin ornattyq. Júrginshi tetiktiń áreket etý aýmaǵyna engende dabyl jaryǵy janyp, túngi ýaqyttyń ózinde aınala kúndizgideı jap-jaryq bolyp ketedi. Sol sebepti kólik júrgizýshileri júrginshini kórip, jyldamdyǵyn azaıtady, – dep túsindirdi Rýdnyı qalalyq TKSh, jolaýshylar kóligi jáne avtomobıl joldary bóliminiń bastyǵy Oljas О́mirzaqov.

Jol qozǵalysy qaýipsizdigin qamtamasyz etý maqsatyndaǵy bul ıgi iske «jasyl tehnologııanyń» kóp kómegi tıdi. Quralǵa ornatylǵan jaryqtandyrý qondyrǵysy qýat jınaqtaı alatyn kún batareıalarymen jumys isteıdi. «Jaıaý júrginshi tory» aqparattyq-eskertpe quraly – avtomobıl jolyn kesip ótý kezinde adamnyń qaýipsizdigi úshin ázirlengen synama jobasy bolyp tabylady. Kún batareıalary men kameralar dańǵyl jolda bolyp jatqan barlyq is-áreketterdi 100 paıyz baqylaýǵa múmkindik beredi. Búginde eki qurylǵy satyp alyndy. Infraqyzyl tetigi bar bir qurylǵy qalanyń turǵyndar kóp júretin ortalyq kóshesinde iske qosylsa, ekinshisi jóndeý-mehanıkalyq zaýytyna qarama-qarsy bettegi ónerkásip kásiporyndary turǵan aýmaqta ornatylyp jatyr.

«Jaıaý júrginshi tory» aqparattyq-eskertpe quraly – oblys qalalary men aýdandaryndaǵy joldarda alǵash ornatylǵan synama nusqa. Onyń jumysy qajettilikke qaraı túzetilip, jetildiretin bolady. «Jaıaý júrginshi torynyń» qyzmetin saraptaý úshin Rýdnyıǵa osy jańalyqtyń avtorlary «ANGEL ZEBRA» JShS qyzmetkerleri Danııar Ahaev pen Álıhan Rahymbekov arnaıy kelmek. Olar qurylǵylarda kemshin tustar bolsa, anyqtap, túzetetin bolady. Qanatqaqty jobany Qazaqstannyń basqa da qalalarynda qoldanysqa engizý úshin ol qatesiz jumys isteýi kerek eken. Qalalyq polıseıler osy qalpynyń ózinde qurylǵy jaıaý júrginshilerdiń qatysýymen bolatyn jol-kólik oqıǵalarynyń azaıatynyna senimdi.

Jobany júzege asyrýǵa Eurasian Resources Group pen Qostanaı oblysy ákimdiginiń arasynda jasalǵan ózara yntymaqtastyq memorandým aıasynda 14 mıllıonnan astam teńge bólindi. 15 jyldan beri óndiris pen oblys ákimdigi arasynda osyndaı yntymaqtastyq jalǵasyn taýyp keledi. Memorandým sheńberinde bólingen qarjy óńirdiń ınfraqurylymy men áleýmettik-ekonomıkalyq damýyna jumsalyp, talaı ıgi ister júzege asty. Jol qozǵalysyn retteýdegi jańa joba sonyń biri ǵana.

Názıra JÁRIMBET,

«Egemen Qazaqstan»

 RÝDNYI

Sońǵy jańalyqtar

Tastarǵa jan bitirgen sýretshi

О́ner • Búgin, 15:38

Ýálıhan QALIJANOV. Koronavırýs

Ádebıet • Búgin, 15:28

Meni kórseńder, qashyńdar!

Ádebıet • Búgin, 15:26

Alkogol ónimderi koronavırýstan qorǵaı ma?

Koronavırýs • Búgin, 15:24

Talap barshaǵa birdeı

Aımaqtar • Búgin, 15:17

Kóksheniń kólderindegi kók muz juqardy

Aımaqtar • Búgin, 15:13

1 sáýir: Almatyda indettiń 24 oshaǵy bar

Koronavırýs • Búgin, 15:11

ASA reıtıngi jańartyldy

Sport • Búgin, 14:08

Úıden shyqpaı qazaqsha úıren

Qoǵam • Búgin, 13:08

Batys Qazaqstanda 90 adam baqylaýda

Aımaqtar • Búgin, 12:58

«...Taýyńda qyran qaldy ma?»

Aımaqtar • Búgin, 12:52

Dástúrdi buldaý ma bul?!

Qoǵam • Búgin, 12:23

Koronavırýs shash arqyly juǵady

Koronavırýs • Búgin, 12:19

Uqsas jańalyqtar