Eske sala ketsek, ótken jyly Allıýr kompanııalar toby «SaryarqaAvtoProm» zaýytynyń óndiris alańynda birlesip MAN júk tasıtyn mashınalar men avtobýstar shyǵarý úshin «MAN Auto – Uzbekistan» óndirisimen memorandýmǵa qol qoıǵan bolatyn. MAN aýyr tehnıkasy logıstıkalyq kompanııalardyń Qazaqstannyń ishinde jáne odan syrt baǵyttarda júk tasýyna arnalǵan.
«О́tken jyly biz osy tehnıkalardy shyǵarý jolynda barlyq synaqtardan ótip, ony óndirýge ruqsat aldyq jáne qurastyrý jumystaryna kiristik. Júk tehnıkalarynyń naryǵy áli tolyq emes, bizdiń saraptap kórgenimizdeı, júk tasymalymen aınalysatyn kóptegen kompanııalar osyndaı tehnıkalarǵa zárý bolyp otyr. 2019 jyly júk tasıtyn mashınalardy naryqqa kóbirek shyǵarýdy oılastyrýdamyz» dedi «Allıýr» KT» AQ korporatıvtik satý jáne eksport jónindegi vıse-prezıdenti Irına Mıronova.
Názıra JÁRIMBET,
«Egemen Qazaqstan»
Qostanaı
