Aımaqtar • 07 Aqpan, 2019

Syrtqy ister mınıstrliginde dıplomatııalyq korpýspen kezdesý ótti

372 retkórsetildi

Syrtqy ister mınıstri Beıbit Atamqulov Qazaqstanda tirkelgen dıplomatııalyq mıssııalardyń jáne halyqaralyq uıymdar ókildikteriniń basshylary úshin brıfıng ótkizdi. Bul týraly SIM baspasóz qyzmeti habarlady.

Vedomstvo basshysy Qazaqstan Prezıdenti Nursultan Nazarbaev Úkimettiń basty mindeti - el azamattarynyń ál-aýqaty men ómir súrý sapasyn arttyrý ekendigi belgilegenin atap ótti. «Syrtqy ister mınıstrliginiń basty mindeti - saıası jáne dıplomatııalyq jolmen eldiń turaqty áleýmettik-ekonomıkalyq damýy úshin qolaıly syrtqy jaǵdaılardy qamtamasyz etý», - dedi kezdesýdi ashqan Mınıstr.

Qazaqstan kópjaqty jáne kópdeńgeıli dıplomatııany syrtqy saıasattyń strategııalyq resýrsy retinde qarastyrady. Astananyń messedji anyq - «bloktyq oılaýdy» jeńý jáne álemniń kún tártibindegi negizgi máseleler boıynsha konsensýsqa qol jetkizý úshin jetekshi derjavalar arasyndaǵy ınklıýzıvti dıalog qajet. Shıelenister ujymdyq jaýapkershilik qaǵıdaty negizinde dıplomatııalyq jolmen sheshilý qajet. Bundaı úndeýlerdi Elbasy barlyq joǵary deńgeıdegi trıbýnalardan jetkizedi. Onyń jahandyq oıynshylar arasynda (AQSh, RF, QHR, Eýropalyq Odaq) kezdesýdi uıymdastyrý jáne Helsınkı aktisin jańartý boıynsha bastamalary bul maqsatqa jetýge baǵyttalǵan. Qazaqstan jahandyq antııadrolyq qozǵalysty nyǵaıtý úshin belsendi jumysyn jalǵastyrady. Oǵan qosa, Almatydaǵy BUU О́ńirlik habyn qurý boıynsha jumys jalǵasady.

2019 jyldyń kún tártibinde Ujymdyq qaýipsizdik týraly shart uıymy, Azııadaǵy ózara yqpaldastyq jáne senim sharalary jónindegi keńesi, Shanhaı yntymaqtastyq uıymy, Islam yntymaqtastyq uıymy jáne Túrkitildes elder yntymaqtastyq keńesi aıasynda joǵary deńgeıdegi is-sharalardy daıyndaý máseleleri bar.

Memleket basshysynyń bastamasy boıynsha Astanada alǵashqy Túrkitanýshylardyń dúnıejúzilik kongresiniń ótkizilýi josparlanýda. Bıylǵy jyly EAEO týraly shartyna qol qoıylýynyń 5 jyldyǵy jáne Prezıdent N. Nazarbaevtyń eýrazııalyq ıntegrasııa boıynsha ıdeıasynyń 25 jyldyǵy atap ótiledi. Sondaı-aq XII-shi Astana ekonomıkalyq forýmy men «Úlken Eýrazııa. Dıalog. Senimdilik. Áriptestik» taqyrybynda Eýrazııa elderi parlamentteri spıkerleriniń IV-shi keńesi josparlanýda. 2020 jylǵy maýsymda Astana qalasynda Dúnıejúzilik saýda uıymynyń 12-shi Mınıstrlik konferensııasy ótedi.

Qazaqstan janjaldardy sheshýge qolǵabys kórsetýdi jalǵastyrady, atap aıtqanda Astana prosesi sheńberindegi Sırııadaǵy daǵdarysty.

SIM basshysy Qazaqstannyń Reseı, Qytaı, AQSh, Ortalyq Azııa, Eýropalyq Odaq, TMD elderi, Túrkııa, Iran, Shyǵys Arab, Azııa men Afrıka memleketteri, sondaı-aq Kanada jáne Latyn Amerıka elderimen ózara is-qımylynyń basymdyqtary týraly áńgimeledi.

Syrtqy ister mınıstrliginiń jańa fýnksııalaryn eskere otyryp, Ekonomıkalyq yntymaqtastyq jáne damý uıymynyń standarttaryna sáıkes ınvestısııalyq ahýaldy odan ári jetildirý boıynsha keshendi jumys kúsheıtiletin bolady. Dúnıejúzilik bankpen birlese otyryp, Investısııalardy damytýǵa járdemdesý boıynsha «Ulttyq ınvestısııalyq baǵdarlamasy» ázirlenip qabyldandy. Eldegi ınnovasııalyq jáne servıstik sektorlardy damytýǵa baǵyttalǵan pragmatıkalyq ekonomıkalyq qatynastardyń geografııasynyń keńeıtilýi kútilýde.

«Astana» halyqaralyq qarjy ortalyǵy, Halyqaralyq jasyl tehnologııalar jáne ınvestısııalyq jobalar ortalyǵy, sondaı-aq EKSPO negizinde «AstanaHub» halyqaralyq IT-startaptar tehnoparkiniń iske qosylýy birlesken bastamalarǵa jaqsy múmkindik beredi.

«Rýhanı jańǵyrý» baǵdarlamasy aıasynda Qazaqstannyń tarıhı-mádenı murasyn jan-jaqty zerdeleý jáne ony álemdik deńgeıde kóterý jónindegi jumys kúsheıtiletin bolady. Qazaqstan mádenı-gýmanıtarlyq yntymaqtastyq álem elderimen qarym-qatynasta mańyzdy faktorǵa aınalatynyna senimdi.

Vızalyq rejımdi lıberalızasııalaý boıynsha jumys jalǵasady. Búgingi kúni 45 eldiń azamattary otyz kúntizbelik kúnge deıin Qazaqstanǵa vızasyz kirýge quqyly. 20 elmen azamattyq pasporttardyń ıeleri úshin vızalyq talaptardan bosatý týraly kelisimge qol qoıylǵan. 2019 jyldyń 1 qańtarynan bastap Qazaqstan Respýblıkasynda sheteldik azamattar úshin elektrondyq formatta biryńǵaı vıza berýdiń pılottyq jobasy iske qosylǵan. Týrıstik elektrondyq vızalar - 117 memlekettiń azamattaryna, sondaı-aq iskerlik jáne emdeýge arnalǵan vızalar - 23 memleketke beriledi.

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar