Elimizdiń astanasynda IESO halyqaralyq olımpıadasyna qatysý úshin Qazaqstannyń ulttyq komandasyna joǵary synyp oqýshylaryn irikteý aıaqtaldy.
— Koreıaǵa tórt qazaqstandyq oqýshy barady. Aqtóbeden Rýstam Valıev (NZM), О́skemennen Almas Iskendırov (Bilim-ınnovasııalyq lıseıi), Astanadan Amır Joldasbekov (NZM) jáne onyń jerlesi Aıbıke Jagıparova (№4 gımnazııa), — dep bólisti Sh.Esenov atyndaǵy ǵylymı bilim berý qorynyń jobalar úılestirýshisi Nursultan Nurmuhanov.
Komandadaǵy jalǵyz qyz qurama komandaǵa byltyrdan beri ótýge umtylǵan, alaıda oǵan aǵylshyn tilinen jetkiliksiz deńgeı múmkindik bermegen bolatyn. Bir jyl boıy tildi tynbaı jetildirgen soń, Aıbıke qajetti deńgeınine qol jetkizip, bıylǵy jyly halyqaralyq jarysqa elimizdiń atynan qatysatyn bolady.
— Balalar fınalǵa qalaı ótti? Byltyrǵy jyly biz elimizdiń kóptegen mektepterine konkýrs týraly habar berip, olar ózderinde irikteý júrgizdi. Oqýshylar ózderiniń geologııadaǵy, astronomııadaǵy, okeanologııadaǵy jáne de, árıne, aǵylshyn tilindegi tereń bilimderin kórsetti. Olardyń ishinde biz eń úzdikterdi tańdadyq, - dep aıtty «Jas geolog» qorynyń dırektory Janat Ismaıl.
Odan ári konkýrs jeńimpazdarynda olımpıadaǵa daıyndyq bastalady – olar jarystarda kezdesetin tapsyrmalarǵa uqsas tapsyrmalardy oryndaıtyn bolady. Qazaqstandyq oqýshylardy olımpıadaǵa geologııa professory Loran Rıshar jáne geologııalyq-mıneralogııalyq ǵylymdar kandıdaty jáne «Jas geolog» úıirmesiniń jetekshisi Aıgúl Baıdaýletova daıyndaıdy (ekeýi de Astanadan). Sabaqtar aptasyna eki ret onlaın rejıminde ótkiziledi.
— IESO — bul óte tanymal olımpıada, jáne oǵan qatysý, búǵan qosa marapattarǵa ıe bolý elimiz úshin, sondaı-aq balalar úshin bedeldi. Bul Qazaqstannyń Jer týraly ǵylymdardy zertteý salasynda qandaı deńgeıge jetkenin kórsetedi. Men fınaldyq irikteýge qatystym, jáne de bizdiń balalarymyzdyń deńgeıi shynymen de joǵary dep aıta alamyn. Bıyl da elimiz IESO-dan medaldardy qanjyǵasyna baılaıdy dep úmittenemin, - dep bólisti prof. L.Rıshar.
Oqýshylardyń irikteýin «Jas geolog» korporatıvtik qory uıymdastyrdy, al IESO ulttyq qazaqstandyq komandasynyń bas demeýshisi Sh.Esenov atyndaǵy ǵylymı bilim berý qory bolyp tabylady. IESO olımpıadasynan 2017 jáne 2018 jyldary qazaqstandyqtar 9 marapattaýmen oraldy. Bıylǵy jyly 13-shi olımpıada, 2007 jyly alǵashqy ret ótkizilgen, Tegý qalasynda qaıta ótetin bolady.
