Olardyń qatarynda úısiz-kúısiz, jumyssyz júrgen júrgen qańǵybastar men maskúnemderdiń qarasy mol. Sońǵy úsh kúnde jeti adam úsikke shalynyp, jedel járdem kórsetilgen. Jyl basynan beri aýrýhanalarǵa úsik shalǵan 32 adam ákelinse, jartysyna jýyǵy tósekke tańylǵan.
«Qol-aıaǵyn úsitip alǵan bir azamatqa ota jasaýǵa týra keldi. Aıdalada qalaı qalǵanyn ózi bilmeıdi.Munyń bári salǵyrttyqtyń saldary. Adamdardyń der kezinde aıtylǵan eskertýlerge qulaq asa bermeıtini osyndaı qaıǵyly jaǵdaılarǵa soqtyrady», deıdi dárigerler.
Qazgıdromet jergilikti fılıaly mamandarynyń boljamyna qaraǵanda sarshunaq aıazdyń birazǵa deıin saqtalatyn túri bar. Sondyqtan «saqtansań, saqtaıdy» degen ataly sózdi eskerý esh artyqtyq etpeıdi.
Qyzyljar óńirinde aqpan aıynda eń sýyq kún 1951 jyldyń 17 aqpanynda tirkelgen. Synap baǵanasy - 43 gradýsqa deıin tómendegen. Al 1963 jyldyń 23 aqpanynda aýa temperatýrasy tórt gradýsqa deıin jylynǵan.
О́mir ESQALI,
«Egemen Qazaqstan»
Soltústik Qazaqstan oblysy
