Únsiz, tilsiz jubatqan...
Asylan TILEGEN
Bul kúnniń taptyq qaıdan kórkemdigin,
Myna kún búgingi kún emes múlde,
Adasqan keshegi əlde erteńgi kún.
Tógip tur əldeqaıdan jap-jaryq nur,
Bir óleń jazǵanymsha kún ózgerdi,
Al qazir Almatyda qar jaýyp tur.
Sol úshin alǵys aıttyq biz Qudaıǵa,
Syıyńa alaqaıly adam bitken,
Qaldyryp bara jatyr kúzdi qaıda?
Ýaqytqa qarańyzshy – qarasha əli,
Sulý qyz kempir rólin somdaǵandaı,
Nege erte oranady qala shəli?!
Janymyz qaldy bizdiń uzaq qansha?!
Marhabat, men qalaıyn kúz-sulýdy,
Kóńilden kóz ushyna uzatqansha.
* * *
Únsizdikte
О́mir bardyń mysaly,
Alaı-dúleı kóńil bardyń mysaly –
Jaýyp turǵan myna qar.
Únsiz,
Tilsiz jubatar.
Jaýatyny – jańbyrdaı,
Qonatyny – (pań) qyldaı.
Qudaıym, muny kesher me eń,
Nóserden kórkem desem men.
Kóktemgi jańbyr jylatyp
ketken edi ǵoı,
Taǵy bir muńy búr atyp ketken edi ǵoı.
Al mynaý jaýǵan únsiz qar,
Jubatyp tur ǵoı,
Úr ańqyp tur ǵoı.
Muń syzdar.
Jaýyńdar əli,
Jaýyńdar tańǵa,
únsiz qar.
Únsizdigińnen úrdeı aıaýly jyr syzdar.
Aıaqqa myna taptalý úshin emes-aý,
Shattaný úshin jalǵyzdyq jandar,
Júrekke jaýyp tursyzdar.
Kóktem ketip barady
Aıdyn BAIYS
Maıda jańbyr jaýyp ótip sebelep,
Kempirqosaq keriledi keremet!
Kókiregim myń saırap hosh ıisten,
Otyr edim kók shatyrdy shegelep.
Anda-sanda sholam muqym mańaıdy,
Kúıbeńdep júr anaý kórshi shal áıgi.
Shuryq-shuryq men jamaımyn shatyrdy,
Syzaty kóp janymdy kim jamaıdy?..
Án ysqyryp otyrǵan em ańdamaı.
Tula boıy tamyljyǵan tańǵy araı,
Jeńil basyp kóne joldyń keýdesin,
Janarymdy bir sary qyz arbady-aı!
Shyǵa keldi qulyn múshe qaıdan qyz?!
Jıren shashy – janyp turǵan aıman kúz!
Tómendegi ańǵarǵandaı inim de,
(Oǵan ne joq)
Tań-tamasha qaıranbyz!
Jaǵylmaǵan eshbir boıaý, dalaby,
Ajaryn-aı...
Appaq aqqý tamaǵy...
Tańǵy shyqtaı beý, tabıǵı sulýlyq,
Kózimizdi qaryqtyryp barady!
Súıkimdi arý, úrlep qoıyp kekildi,
Qapelimde sabyrymdy ketirdi.
Moda qýǵan qýyrshaqtar janyńda,
Kúlge aýnaǵan qotyr taılaq sekildi.
Kirpigimen qytyqtaıdy kúsh meni,
Jaıymenen qaldy shatyr, is tegi.
Kóleńkede kórpe oranǵan kári ájem:
– Shybynym-aý, shaı isheıik tús,– dedi.
Mundaı kezde shaı óte me óńeshten?
Aınalaıyn, esimiń kim demesten,
Kózben baıaý uzatamyn men ony,
Kóńilimdi jetkizerdeı jel esken.
Shekemizdi shýaq óbip tarady,
Beý, tabıǵı sulýlyq-aı, jan áni!
Qyrkúıektiń kóshesine óń berip,
Kóz ushynda Kóktem ketip barady!..
Eshkimge qatysy joq bir óleń
Qarlyǵashty kórdiń be anaý ushqan?
Jaqyn tartyp turady jan alystan.
Eń alǵashqy dosym – sol, erke qusym,
Maqpal qara qanaty dala qushqan.
Meıirimi mamyrlap izgi kúıdiń,
Buryshyna uıa sap bizdiń úıdiń,
Tatý-tátti turǵanbyz, aıyrǵansha
Jylan qabyq muz qatqan kúz, qylı kún.
(Osy sózge, bilmeımin, senesiń be?)
Qusym qaıtyp kelmedi Deresinge.
Qarmaqtyń qaltqysyndaı kólge salǵan,
Dir-dir etken dem ketti-aý denesinde.
Bálkim, eske salatyn bolar keı ún?
Sanamda saǵynyshqa kóp án beıim.
Oǵan deıin bir dosym bolmap edi,
Bolmaıtyn da shyǵar-aý odan keıin.
