Belarýs elimen birlestik
Senbi, 22 qyrkúıek 2012 7:25
1994 jyldyń naýryzynda Qazaqstan Prezıdenti Nursultan Nazarbaev M.Lomonosov atyndaǵy Máskeý memlekettik ýnıversıtetiniń aýdıtorııasynda Eýrazııalyq odaq qurý qajettiligi jónindegi tamasha ıdeıasyn ortaǵa tastaǵany málim. Bul kommýnıstik totalıtarlyq oılaý júıesiniń tamyry úzilmegen, sonymen birge, jańasha ekonomıkalyq paıymdaý tórge oza qoımaǵan eleń-alań shaq edi. Sondyqtan da Qazaqstan basshysy Reseı astanasy Máskeýde usynǵan bul ıdeıasy TMD keńistiginde birden qabyldandy dep aıta almaımyz. Sol kezde ártúrli pikirler bolǵany ras. Eýrazııalyq odaq qurý bastamasynyń túpki mánin tereń túsine qoımaǵan birqatar saıasatkerler sol kezde saýysqannan saq minez tanytyp, áliptiń artyn baǵýǵa yńǵaı tanytty.
Senbi, 22 qyrkúıek 2012 7:25
1994 jyldyń naýryzynda Qazaqstan Prezıdenti Nursultan Nazarbaev M.Lomonosov atyndaǵy Máskeý memlekettik ýnıversıtetiniń aýdıtorııasynda Eýrazııalyq odaq qurý qajettiligi jónindegi tamasha ıdeıasyn ortaǵa tastaǵany málim. Bul kommýnıstik totalıtarlyq oılaý júıesiniń tamyry úzilmegen, sonymen birge, jańasha ekonomıkalyq paıymdaý tórge oza qoımaǵan eleń-alań shaq edi. Sondyqtan da Qazaqstan basshysy Reseı astanasy Máskeýde usynǵan bul ıdeıasy TMD keńistiginde birden qabyldandy dep aıta almaımyz. Sol kezde ártúrli pikirler bolǵany ras. Eýrazııalyq odaq qurý bastamasynyń túpki mánin tereń túsine qoımaǵan birqatar saıasatkerler sol kezde saýysqannan saq minez tanytyp, áliptiń artyn baǵýǵa yńǵaı tanytty.
Degenmen, odan keıingi jyldar Nursultan Ábishulynyń bul ıdeıasy ómirsheń ekenin kórsetip berdi. Kóp keshikpeı táýelsizdikke ıe bolǵan memleketter arasynda ekonomıkalyq baılanystar men qarym-qatynastarǵa negizdelgen qurylym qurylmasa, halyqtyń damý deńgeıi bolmaıtyndyǵy da belgili boldy. Bul ıdeıa sonymen birge el men eldiń arasyndaǵy adamı rýhanı qundylyqtardy qorǵaýǵa da qyzmet ete alatyny aıqyndaldy.
Búginde Eýrazııalyq odaqtyń qalyptasýy men iske asýynyń naqty kórinisteri qandaı degenge kelsek, oǵan Reseı, Belarýs jáne Qazaqstan memleketteri arasynda kedendik odaq qurylýy, atalǵan memleketter arasynda biryńǵaı ekonomıkalyq keńistikterdiń paıda bolyp, ortaq is-qımyl tanytyp otyrǵanyn mysalǵa keltirýge bolady. Sonymen birge, atalǵan memleketter arasynda birikken kásiporyndardyń qurylýy da onyń basty nyshandary dep aıta alamyz. Osyndaı mártebege ıe bolǵan kásiporyndardyń biri – Oral qalasyndaǵy «Agroremmash» AQ birlesken kásiporny.
Kedendik odaqqa múshe memleketterdiń biri – Belarýs elinde ejelden avtomobıl jasaý men qurastyrý isi keńinen damyp kelgeni barshaǵa málim. Bul oraıda Mınsk avtomobıl zaýytynyń shoqtyǵy qashan da bıik turady. Osydan 3 jyl buryn sondaǵy MAZ basshylarymen kelisim jasap, respýblıkanyń kommýnaldyq-sharýashylyq júıesine qajetti arnaýly avtotehnıkalar shyǵara bastadyq. Qazir bul is turaqty jolǵa qoıyldy desek te bolady.
О́tken mamyr aıynda Aqjaıyqqa issapary kezinde Elbasy Nursultan Nazarbaev Qazaqstan-Belarýs birlesken kásipornynyń qyzmetimen tanysyp, oǵan oń baǵa berip ketkeni bárimiz úshin mereı. Sonymen birge Memleket basshysy qazaqstandyq konveıerden shyqqan otandyq ónimge tıisti suranymdar túsirý jóninde Úkimetke tapsyrma berdi.
Búginde elimizdegi kommýnaldyq salaǵa jasalǵan túbegeıli reformalar óziniń alǵashqy nátıjelerin bere bastady. Buǵan bizdiń birlesken kásiporynnyń qosqan úlesi qomaqty. Iаǵnı, Qazaqstanda qurastyrylatyn arnaýly avtotehnıkanyń basty bólshegi – shassı Belarýs elinen jetkiziledi. Qalǵan istiń bári ózimizde atqarylady. Sondaı-aq Tótenshe jaǵdaılar mınıstrliginiń suranysyna sáıkes kásiporynda qurastyrylǵan órt sóndirgish mashınalary da búginde básekege qabilettiligin tanytyp úlgerdi.
Osy yńǵaımen búginde osydan 18 jyl buryn Qazaqstan basshysy usynǵan Eýrazııalyq odaq ıdeıasy búginde naqty ómirimizden oryn alyp otyr dep oı túıe alamyz. Bul túıindi tek óz elimizde ǵana emes, sonymen birge, osy bastamany qoldap, iske asyryp otyrǵan barlyq memleketterge qatysty da jasaýǵa ábden bolady demekpin.
Ǵımran Beısenov,
Oral qalasyndaǵy «Agroremmash» AQ
birlesken kásipornynyń dırektory.
ORAL.
