Qorǵanys keshenindegi qoǵamdastyq
Juma, 21 qyrkúıek 2012 7:49
2003 jylǵy naýryz aıynda Úkimet qaýlysymen «Qazaqstan ınjınırıng UK» aksıonerlik qoǵamy qurylǵan bolatyn. Qazir bul kompanııa holdıngtik qurylym retinde birneshe qorǵanys ónerkásibi keshenderiniń basyn biriktirip otyr. Onyń quramyna 29 enshiles jáne táýeldi kásiporyn kiredi. Bulardyń 17-i qarý-jaraq pen áskerı tehnıka, sondaı-aq munaı-gaz, temir jol, agroóndiris, jylý-energııa keshenderine arnalǵan ónimderdi shyǵaryp, olarǵa jóndeý jasaıtyn múmkindikke ıe.
Juma, 21 qyrkúıek 2012 7:49
2003 jylǵy naýryz aıynda Úkimet qaýlysymen «Qazaqstan ınjınırıng UK» aksıonerlik qoǵamy qurylǵan bolatyn. Qazir bul kompanııa holdıngtik qurylym retinde birneshe qorǵanys ónerkásibi keshenderiniń basyn biriktirip otyr. Onyń quramyna 29 enshiles jáne táýeldi kásiporyn kiredi. Bulardyń 17-i qarý-jaraq pen áskerı tehnıka, sondaı-aq munaı-gaz, temir jol, agroóndiris, jylý-energııa keshenderine arnalǵan ónimderdi shyǵaryp, olarǵa jóndeý jasaıtyn múmkindikke ıe.
«Qazaqstan ınjınırıng ulttyq kompanııasy» AQ Reseı tarapymen áskerı tehnıkalyq yntymaqtastyq týraly máselelerdi Reseı Federasııasy men Qazaqstan Respýblıkasy arasyndaǵy yntymaqtastyq jónindegi úkimetaralyq komıssııa janyndaǵy áskerı-tehnıkalyq yntymaqtastyq jónindegi shaǵyn komıssııanyń sheńberinde sheshedi. Onyń kezekti onynshy otyrysy Máskeý qalasynda bıylǵy 25 qazanda ótkizilmek.
Sondaı-aq, kompanııa Qazaqstan Respýblıkasy Úkimeti men Reseı Federasııasy Úkimeti arasyndaǵy Uzaq merzimdi ekonomıkalyq yntymaqtastyq baǵdarlamasynyń jekelegen is-sharalaryn júzege asyrýǵa atsalysady. Ústimizdegi jyly Reseı Federasııasynan ónim alý úshin kompanııanyń toǵyz kásiporny («S.M.Kırov atyndaǵy zaýyt» AQ, «PZTM» AQ, «811 avto jóndeý zaýyty KI» AQ, «Zenıt» Oral zaýyty» AQ, «Tynys» AQ, «Omega»prıbor jasaý zaýyty» AQ, «ZIKSTO» AQ, «S.M. Kırov atyndaǵy mashına jasaý zaýyty» AQ pen «Semeı ınjınırıng» AQ) ótinim berdi. Olardy jabdyqtaýǵa Reseıdiń 100-den astam kásiporyndary yqylas tanytyp otyr. Al Reseı kásiporyndaryn jabdyqtaýshy retinde «Zenıt» Oral zaýyty» AQ pen «Tynys» AQ alda tur. Bul ázirshe az. Degenmen, bolashaqta «Qazaqstan ınjınırıng» AQ eksporttaýshylarynyń sany molaıa túsetinine úmit bar.
Qazaqstan men Reseı óńirleriniń 18-19 qyrkúıektegi Pavlodar qalasynda ótken halyqaralyq kórmesi kompanııanyń reseılik kásiporyndarmen qorǵanys ónerkásibi salasyndaǵy yntymaqtastyǵyn budan da joǵary kórsetkishterge jetkizetindigin kórsetti. Olaı deıtinimiz áskerı-tehnıkalyq yntymaqtastyqty damytýǵa arnalǵan birqatar qujattarǵa qol qoıylǵan. Máselen, «NPK «Ýralvagonzavod» JAQ-pen yntymaqtastyq keńeıe túsýde. Eger buryn tek brondy tankke bosalqy bólshekter jasalsa, al qazirgi kezde jaýyngerlik mashınalardy jáne kúrdeli ınjenerlik tehnıkalardy «Semeı ınjınırıng» AQ-ty qurastyryp, jınaý qarastyrylýda. Osyǵan baılanysty Pavlodardaǵy forýmda yntymaqtastyq týraly qajetti memorandýmǵa qol qoıyldy.
Reseıdiń «Ijevskıı radıozavod» AAQ, «Rossııskıı ınstıtýt moshnogo radıostroenııa» JAQ, «NPF «Mıkran» jáne basqa jetekshi kásiporyndarymen aradaǵy yntymaqtastyqta «S.M. Kırov atyndaǵy zavod» AQ úlken tájirıbe jınaqtady deýge bolady. Bul yqpaldastyqtyń nátıjesinde temirjoldyń qaýipsizdigin qamtamasyz etetin lokomotıv qurylǵylaryn, azamattyq jáne áskerı radıostansalardy, QR Qorǵanys mınıstrligi úshin avtomattandyrylǵan meteorologııalyq keshendi birlesip shyǵarý júzege asyryldy. Reseıdiń basqa da birqatar kásiporyndarymen yntymaqtasyp, jańa ónimder shyǵarý týraly kelisimder bar.
Jalpy, reseılik kásiporyndarmen birlesip jumys isteýdiń bolashaǵy zor. Oǵan negiz bolatyn ártúrli baılanystardy óristetýge áskerı-tehnıkalyq yntymaqtastyq jónindegi QR jáne RF arasyndaǵy kelisim men áskerı-tehnıkalyq yntymaqtastyqty damytýdyń 2013-2015 jyldarǵa arnalǵan birlesken baǵdarlamasy múmkindik týdyrmaq. Onyń jobasyna «Qazaqstan ınjınırıng» AQ qazirdiń ózinde belsene qatysýda.
Sonymen qatar, damyǵan elderdiń tájirıbesi kórsetip otyrǵandaı, qorǵanys ónerkásibi keshenin tek memlekettiń kúshimen damytý jetkiliksiz. Bul bıýdjetke qosymsha salmaq túsiredi. Qorǵanys ónerkásibin damytýda memlekettik-jekemenshik áriptestigin qalyptastyrý mańyzdy. Onyń ishinde sheteldik jáne otandyq ınvestısııalardy tarta otyryp, jańa qorǵanys kásiporyndaryn qurýdyń qajettiligin bólip aıtýǵa bolady.
Memleket basshysy – Qarýly Kúshterdiń Joǵarǵy Bas qolbasshysy N.Á. Nazarbaevtyń saıasatyn basshylyqqa ala otyryp, elimizdiń qorǵanys ónerkásibi keshenin Qazaqstannyń mashına jasaý salasyndaǵy lokomotıvine aınaldyrý qajet. Bul degenimiz metallýrgııa, mashına jasaý, hımııa, aqparattyq tehnologııa men telekommýnıkasııalardyń barlyq spektri syndy birneshe salany birge damytý degen sóz. Qazaqstan ınjınırıng osy baǵyttyń alǵashqy qarlyǵashy. Pavlodarda ótken óńiraralyq forýmda biz muny aıqyn baıqaǵandaı boldyq. Oǵan kompanııanyń sondaǵy kórmede qoıylǵan tehnıkalary anyq dálel.
Júnis OMAR,
Qazaqstan Respýblıkasy
Qorǵanys mınıstrliginiń
basqarma bastyǵy,
polkovnık.
