«Aýa raıy jaǵdaıyna baılanysty biz 300 adamdy qabyldaı alamyz. Qazir 244 adam ortalyqtyń qyzmetin alýda, onyń ishinde 220-si qazirgi tańda ortalyqta bolsa, 24-i –aýrýhanalarda. Sońǵy kúnderi 4-6 aqpan aralyǵynda bizge 38 adam kelip tústi», – deıdi ortalyq dırektorynyń orynbasary Dınara Shaımerdenova.
Resosıalızasııa ortalyǵynda áleýmettik patrýl jumys isteıdi, ol aldyn ala polısııa beketteri men PIK-ke qońyraý shalyp, qaladan úısizderdi izdestiredi. Mobıldi qyzmet búginde kúsheıtilgen tártipke kóshti jáne 10.30-dan 23.00-ge deıin jumys isteıdi.
«Sýyq qys mezgili bastaldy. Osyǵan baılanysty ómirlik qıyn jaǵdaıǵa tap bolǵan adamdar dereý shuǵyl jelige qońyraý shala alatynyn esterińizge salamyz. Baılanys telefondary: 53-16-48, 53-17-91, el.poshta: centr_08_01@mail.ru, saıt: Pomosh01.kz eskertý. Mekenjaıy: Astana qalasy, Chehoev kóshesi, 14a», – delingen Resosıalızasııa ortalyǵynyń habarlamasynda.
Astana meshitteri «Astana – meıirimdi qala» qaıyrymdylyq aksııasyn jalǵastyrýda: muqtaj otbasylarǵa kómir men azyq-túlik beredi, jol jumysshylaryna, qurylysshylarǵa, kóshe tazalaýshylarǵa ystyq tamaq pen shaı taratady, sondaı-aq aıaldamada turǵan adamdardyń dittegen mekenjaılaryna jetýge kómektesedi.
«Nur Astana» meshitiniń din qyzmetkerleri men kelýshileri birigip, kómekke muqtaj jandarǵa arnalǵan 18 «tegin taksı» kóligin uıymdastyrdy.
Bul bastamany iri jáne usaq bıznes ókilderi de qoldady. Tegin shaı taratý aksııasyn Asia Park SOO jarııalady. «Ystyq shaımen jylytamyz. О́z týystaryńyzdy jáne dostaryńyzdy belgilep ótińiz. Múmkin olar qazirgi ýaqytta aıaldamalarda nemese Asia Park SOO janynda tońyp turǵan bolar. Sizderdi 1-shi qabatta ortalyq kireberistiń janynda kútemiz!», – mundaı shaqyrý SOO-nyń Instagram-daǵy paraqshasynda jarııalanǵan.
«Astana» ÁKK, «1000 oryn – kóshe saýdasy» baǵdarlamasynyń operatory Facebook paraqshasynda kóshe saýdagerleri týraly habarlaıdy. Mysaly, kásipker Sııavýsh Taırov óziniń eki pavılonynda fastfýdpen shaı usynady (Aqbuǵy kóshesi, 5/1 jáne I. Esenberlın kóshesi, 23).
Al kásipker Vıllaıat Karımov Petrov kóshesi, 1 mekenjaıy boıynsha shaǵyn donerlik úıde shaı daıyndaıdy.
Sonymen qatar, áleýmettik jelilerde «aıazdy kúni tegin alyp ket!» aksııasy beleń aldy. «Búgin túnde meniń mashınam qyzbaı qoıdy. Biraq kórshilerge rahmet! Qıyn jaǵdaıǵa tap bolǵanymda qol ushyn sozdy», – dep jazady paıdalanýshy Jomart Ámirhanov Facebook-tegi «Astana maqtaǵym keledi/shaǵymdanǵym keledi» tobynda.
«Meıirimdilik tizbegin jalǵastyryp, osy aıazdy kúnderi bireýge kómekteskim keledi. Men mashınany qyzdyra alamyn, mekenjaı men telefon nómirińizdi jazyp qaldyryńyz. Men sol jaǵalaýda turamyn. Osy toptaǵy adamdardy qaıyrymdylyq sharasyna qosylýǵa shaqyramyn. Bir-birimizge qamqorlyq tanytaıyq».
