Teatr • 07 Aqpan, 2019

Qostanaılyqtar «Úılený» qoıylymyn tamashalady

269 retkórsetildi

Gogoldiń kórermenin kúlkige kómip, kúldire otyryp «kúıdiretin» «Úılenýin» tanystyryp jatý artyq. Qoǵamnyń kelbetin ájýamen áshkerelegen shyǵarmanyń qudyreti – qansha ret qoıylsa da, halyqty jalyqtyrǵan emes. Onyń sebebi, týyndy nysanaǵa alǵan taqyryptyń mańyzdylyǵynda.

Barshany yntyq etken osynaý spektakldi I.Omarov atyndaǵy Qostanaı oblystyq qazaq drama teatry da sahnalady. Rejısseri - teatrdyń kórkemdik jetekshisi Álııa Baımahan. Tanys ta beıtanys «Úılený» qostanaılyq ónerpazdardyń somdaýynda múldem jańasha qyrynan jarqyraıdy. «Gogol shyǵarmasy arqyly ujym kásibı turǵyda joǵarylaǵanyn kórsetti. Tyńnan túren salǵan. Oblys teatry tanymastaı ózgergen, bıikteı túsken» deıdi qoıylymdy tamashalaǵandar.

Kórermenniń ystyq yqylasyna bólengen «Úılený» kezekten tys el nazaryna usynyldy. Sebebi, qoıylymda oınaıtyn qos birdeı ónerpazdyń týǵan kúni. Fars janrynda sahnalanǵan shyǵarmaǵa halyq kóp jınaldy. Kópes qyzy Agafıa Tıhonovnanyń aınalasynda órbıtin qıly-qıly taǵdyr, túrli-túrli oqıǵany kórsetý arqyly oı salǵan týyndy bir jarym saǵat boıy ezý jıdyrmady.

Kesh sońynda Qostanaı oblystyq Mádenıet basqarmasynyń basshysy Erlan Qalmaqov týǵan kún ıeleri - Jibek Úsenova (Dýnıasha) men Tólendi Álǵojınderdi (Kochkarev) quttyqtap, ónerdegi saparyna sáttilik tiledi.

«Elbasy bıyl Jastar jylyn jarııalady. Qostanaı teatrynda jańashyl býynnyń ósip kele jatqany qýantady. О́nerli jastardy árqashanda qoldaýǵa ázirmiz. Olardyń múmkindikterin ashýǵa barynsha jaǵdaı jasalady. Gogol shyǵarmasynyń Tobylda qoıylýy - óńirdiń mádenı ómirindegi eleýli oqıǵa» dep atap ótti Erlan Bolatuly.

«Úılený» teatr repertýarda turaqty túrde kórsetiledi. Týyndynyń aıtary qaı zamanda da mańyzdy. Jar tańdaýda qatelespeı, otbasy quryp, sábı súıý - ómirdiń basty máni. Osynaý basty qundylyqty baılyq, mapsap, qyzmetpen shatastyrǵandardy sheneıdi. Al Qostanaı teatryndaǵy qoıylymnyń sahnalanýy, rejısserlik sheshimi, ártisterdiń sheberligi óz aldyna bólek áńgime.

Qysqasy, áıgili shyǵarmany kórý kerek, ol úshin teatrǵa barý kerek.

Sondaı-aq, teatrdyń jańa qyzmetkeri kópshilik aldynda tanystyryldy. Ol - ádebıet bóliminiń meńgerýshisi Abylaı Maýdanov. Aıta ketý kerek, onyń «Ábdiǵapar» tarıhı dramasy taıaýda «Nur Otan» partııasynyń uıymdastyrýymen ótken «Uly dala» respýblıkalyq shyǵarmashylyq konkýrsynda «Dramatýrgııa, kórkem fılm men teleserıal ssenarııi» nomınasııasy boıynsha júldeli III oryndy jeńip alǵan bolatyn.

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar