Qatar jatqan óńirlerde kóp másele ortaq
Seısenbi, 18 qyrkúıek 2012 8:07
Bizdiń Qostanaı oblysy Reseıdiń Orynbor, Chelıabi jáne Qorǵan oblystarymen shektesedi. Qashannan «aýylymyz aralas, qoıymyz qoralas» jatqan qudaıy kórshimiz. Qońsy qonǵan oblystardyń arasynda qaı jaǵynan bolsyn barys-kelis jetkilikti. Jastar úshin de aralasyp-quralasý óte tıimdi. Olar tanysady, bilmegenin bilisedi.
Seısenbi, 18 qyrkúıek 2012 8:07
Bizdiń Qostanaı oblysy Reseıdiń Orynbor, Chelıabi jáne Qorǵan oblystarymen shektesedi. Qashannan «aýylymyz aralas, qoıymyz qoralas» jatqan qudaıy kórshimiz. Qońsy qonǵan oblystardyń arasynda qaı jaǵynan bolsyn barys-kelis jetkilikti. Jastar úshin de aralasyp-quralasý óte tıimdi. Olar tanysady, bilmegenin bilisedi.
Eki el arasynda jastarǵa arnalǵan eki joba, ıaǵnı «Biz HHI ǵasyrda birge ómir súremiz!» halyqaralyq jastar festıvali, «Kórshiler» halyqaralyq lageri iske asyrylyp keledi. «Biz HHI ǵasyrda birge ómir súremiz!» halyqaralyq jastar festıvali 2003 jyldan beri Reseı federasııasynyń Qorǵan oblysy men Qostanaı oblysy arasyndaǵy jastar saıasaty salasyndaǵy yntymaqtastyq týraly memorandým sheńberinde júzege asyrylýda. Mine, osynyń arqasynda onshaqty jyldan beri qorǵandyq jastarmen tyǵyz baılanystamyz.
Festıvalde memlekettik jastar saıasatynyń jetistikteri, memlekettik tapsyrys sheńberinde iske asyrylatyn áleýmettik mańyzdy jobalardyń nátıjeleri, osy jumystar barysyndaǵy eki jaqty tájirıbeler ortaǵa salynady. Festıval bir jyl Qorǵanda, bir jyl Qostanaıda ótip turady. Bıyl kúzde, qazan aıynda qorǵandyq jastar bizge keledi, qazir oǵan bizde qyzý daıyndyq júrip jatyr. Festıval baǵdarlamasy mádenı-buqaralyq sharalarǵa, sporttyq jarystarǵa baı. Jastar mundaı sharalar barysynda tanysyp qana qoımaı, dostasyp ketedi. Qazir bizdiń jastardyń, stýdentterdiń Qorǵanda qatysatyn dostary jetkilikti. Qatar jatqan el bolǵandyqtan, mundaı sharalar jastardy jaqyndata túsedi. Al bul óte mańyzdy.
«Kórshiler» halyqaralyq lageri aıasynda iskerlik áriptestik qatynas ornatylady. Jastar saıasaty salasyndaǵy bastamalar, jańashyl usynystar jóninde tájirıbe almasamyz, sheberlik sabaqtary, sporttyq, ulttyq-mádenı dástúrlermen tanysatyn sharalar ótedi. Kórshi elder jastary arasyndaǵy mundaı qarym-qatynas arqasynda aldymen, jastar saıasaty salasynda ozyq tájirıbeler almasamyz. Sebebi, kórshilerde kóp máseleler ortaq bolady. Sondaı-aq, qatar jatqan elmen shekarany tars jappaı, barys-kelis jasaý, dostyq kóńilmen aralasý táýelsizdik alǵan jyldardan bergi jetken jetistikterimizdi nasıhattaýǵa da taptyrmaıtyn tásil emes pe? Oblysta, jalpy elimizde atqarylyp jatqan ıgilikti isterge reseılikter, tipti, tańyrqap ta qaraıdy. Olardan úırenetin tustar men ister de az emes. Kórshi haqysyn da umytpaımyz.
Erlan QALMAQOV,
Qostanaı oblystyq ishki saıasat basqarmasynyń
jastarmen jumys jónindegi bólim bastyǵy.
QOSTANAI.
