Iаǵnı, ekologııalyq qaýipti bolyp sanalatyn munaı qaldyqtaryn, medısınalyq qaldyqtardy jáne túrli turmystyq qaldyqtardy ekologtardyń ruqsatynsyz joıý jumystaryn atqarǵan. Dálirek aıtqanda 2017 jyly kompanııa ekologııa departamenti tarapynan 135 582, 089 tonna túrli qaldyqty qabyldap, joıý úshin ruqsat alǵanymen, olar 235454,454 tonna qaldyq joıyp, normatıvten 141606,8 tonna artyq ketken. Al, 2018 ekologııa departamenti bul kompanııaǵa 3080 tonna ǵana qaldyqty qabyldaýǵa ruqsat bergenimen olar kórsetkishti 60618,257 tonnaǵa jetkizip, 57538,257 tonna qaldyqty ekologtardyń ruqsatynsyz joıǵan.
- «Ekoterra» JShS normatıvtik jobadan tym kóp qaldyqtardy qalaı, qaıda joıdy? Másele osynda bolyp tur. Jáne bul qaldyqtardyń barlyǵy ıantarly qaldyqtar qataryna jatatyndar, ıaǵnı qorshaǵan ortaǵa tıgizer zııany orasan zor. Jalpy qaldyqtardy óńdeý jáne joıý jumystarymen aınalysatyn kompanııalar QR zańnamasyna sáıkes bizdiń departamentten arnaıy ruqsat alýy tıis. Al, búgingi máselesi qozǵalyp otyrǵan seriktestik jasaǵan qyzmetteriniń belgili bir bólshegine ǵana ruqsat alǵan. Sondyqtan, QR ákimshilik quqyq buzýshylyq týraly kodekstiń arnaıy baptaryna sáıkes kompanııa ákimshilik jaýapkershilikke tartyldy jáne salynǵan 150 AEK kóleminde aıyppul memleket paıdasyna tolyqtaı óndirildi, deıdi О́ńirlik kommýnıkasııalar qyzmeti alańynda ótken brıfıngte Mańǵystaý oblysy boıynsha ekologııa departamenti basshysynyń mindetin atqarýshy Rýslan Tókenov málimdedi.
Sot sheshimimen kelispegen jaýapkershiligi shekteýli seriktestiginiń shaǵymyn Mańǵystaý oblystyq ákimshilik soty da qanaǵattandyrmady jáne jaýapkerdiń munan keıingi appelıasııalyq shaǵymy da qanaǵattandyrýsyz qaldyryldy.
Jalpy, 2018 jyly oblystyq ekologııa departamenti 50-den astam tekserý júrgizgen. Qorytyndysynda 142 ákimshilik quqyq buzýshylyq derekteri anyqtalyp, nátıjesine zań buzýshylarǵa 30 mıllıard teńgege jýyq aıyppul salynǵan. Búginde onyń 64 mıllıon teńgesi memleket paıdasyna óndirilse, qalǵany sot oryndarynda qaralý ústinde.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
