Munan bylaı dinı basqarmanyń Shymqaladaǵy ókildigi men «Zeket» qory birlesip «Baspanaǵa jol» qaıyrymdylyq aksııasyn uıymdastyrýdy qolǵa alady.
Tuńǵysh ret jasalynyp jatqan «Baspanaǵa jol» qaıyrymdylyq aksııasynyń maqsaty qıynshylyq qyspaǵynda qalǵan kópbalaly otbasylarǵa kómektesý. Al, aksııaǵa jaǵdaıy tómen, jeke baspanasy joq, páter jaldap turatyn, jumyssyz otyrǵan, asyraýshysynan aıyrylǵan jandar qatysa alady. Osyndaı jaǵdaıǵa túsken otbasylarǵa demeýshiler esebinen az da bolsa páter aqylaryna qol ushyp berip, áleýmettik synaqtan ótip ketýine járdemdesedi
Qazirgi tańda Shymkent qalasy boıynsha ókil ımam Baqtybaı qajy Qydyrbaıuly tarapynan tıisti tapsyrmalar berilip, sharany turaqty uıymdastyrý qalalyq «Zeket» qorynyń jetekshilerine júkteldi. Endigi kezekte qaıyrymdylyq sharalar shahardaǵy Abaı, Ál-Farabı, Eńbekshi jáne Qarataý aýdandarynyń meshitterinde ımamdardyń qatysýymen ótip turatyn bolady.
Nurshat TО́KEN,
«Egemen Qazaqstan»
Shymkent
