Almaty qalasy Mádenıet basqarmasy bastyǵynyń orynbasary Danııar Alıev bıyl qala ákimshiligi 19 qoǵam qaıratkerine eskertkish taqta ashý týraly sheshim qabyldaǵandyǵyn jáne osy tizimdegi ǵalym Júnisbek Jumabekovtiń orny erekshe ekendigin atap ótti. Memorıaldyq taqtany ashý qurmeti QazUPÝ rektory Takır Balyqbaev pen ǵalymnyń zamandasy Pernebek Momynovke, qyzy Dana Júnisbekqyzyna berildi. Ǵalymnyń shákirti, pofessor Talas Omarbekov tálimgeriniń joǵary adamgershilik jáne ǵalymǵa sińirgen eńbegine toqtalyp ótti.
Júnisbek Jumabekovtiń 1974-1980 jyldary Abaı atyndaǵy QazUPÝ rektory bolǵan kezinde oqý ornyn damytýdaǵa qosqan úlesi erekshe. Ǵalymnyń ıgi isteri ýnıversıtet tarıhynda túbegeıli ózgeristerge, bilim berýdegi sapalyq kórsetkishterge qol jetkizý jolyndaǵy jáne stýdentterdiń mádenı-turmystyq jaǵdaılaryn jaqsartýǵa arnalǵan is-sharalardyń qolǵa alynýymen erekshelenedi. Júnisbek Jumabekov ótken ǵasyrdyń 70-80-jyldarynda qazaqstandyq ǵylym áleminde asa tanymal tulǵa bolýymen qatar joǵary oqý oryndarynyń qyzmetin sheber uıymdastyrýshysy da bola bildi.
Saltanatty sharaǵa qatysqan ǵalymnyń týystary men zamandastary talantty ǵalym, qoǵam qaıratkeri, sheber uıymdastyrýshy jaıynda óz estelikterimen bólisti.
Elvıra SERIKQYZY,
«Eqemen Qazaqstan»
ALMATY
