Osy aralyqta «QAZAQ RADIOLARY» seriktestigine qarasty «SHALQAR», «ASTANA», «CLASSIC» jáne «QAZAQ RADIOSY» radıolarynyń efırlerine elimizdiń belgili qoǵam qaıratkerleri, óner maıtalmandary jáne mesenattar shaqyrylyp, adamnyń boıyndaǵy eń asyl qasıetteriniń biri – qaıyrymdylyq týraly oılary men tilekterin ortaǵa salady. Qazaq radıosyndaǵy «Zańger keńesi», «Densaýlyq», «Birinshi baılyq», «Barmysyń, baýyrym?», «Kásip-násip» habarlary osy shara aıasynda ár sala boıynsha arnaıy mamandardy stýdııaǵa shaqyryp, qaıyrymdylyq taqyrybynda pikirlerimen bólisedi.
Sharanyń basty maqsaty – kómekke muqtaj jandarǵa qol ushyn berý, qaıyrymdylyq kórsetip júrgen jomart jandardy kópke úlgi etý. Sondaı-aq, jumyla kótergen júk jeńil ekendigin eske salyp, osy ıgi istiń mańyzy zor ekenin jetkizý.
Dástúrge aınalǵan qaıyrymdylyq jobasy bıyl Qazaqstan halqy Assambleıasymen birge uıymdastyrylyp otyr. Búginde alǵashqylardyń biri bolyp, sharapaty mol sharaǵa «QAZAQ RADIOLARY» ujymy bir kúndik eńbekaqylaryn aýdaryp úlgerdi.
Aıta keteıik, 2017 jyldan bastap, osy ýaqytqa deıin atalmysh shara aıasynda muqtaj jandarǵa 56 000 000 teńge qarajat kóleminde kómek kórsetildi.
Bıyl da arnaıy qurylǵan qorǵa jınalǵan qarajat 1 naýryz kúni «Beıbitshilik jáne kelisim saraıynda» «Myń alǵys» qaıyrymdylyq konsertinde tabystalatyn bolady.
Adamı qasıetterdiń qadirlisi qaıyrymdylyq bolsa, aıaly alaqanyn, júrek jylýyn usyný, saýaby mol iske qolynan kelgenshe kómektesip, úlesin qosý adamnyń azamattyq paryzy. Sondyqtan, barlyqtaryńyzdy osy ıgi iske atsalysýǵa shaqyramyz.
Qol ushyn sozyp, qarjylaı qoldaý kórsetkisi keletin azamattarǵa «Ýaqyp» Qazaqstandyq qorynyń» esep-shoty ashyq dep jarııalaımyz.
«ÝAQYP» Qazaqstandyq qory» korporatıvtik qaıyrymdylyq qory»
Zańdy meken-jaıy: 010000, Astana q., Qabanbaı batyr dańǵ., 28 úı, ofıs 5,
BSN: 170740000147
IIK: KZ 136010111000051511 ( KZT)
BIK: HSBKKZKX
JSN: 620500086324
Bank: «Qazaqstannyń Halyq Banki» AQ
Prezıdent: Azımov Kaırat Mýratovıch
