Bir kún janjal bolǵan úıden qyryq kún bereke ketedi

Juma, 13 sáýir 2012 7:17

Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasy Keńesiniń múshesi Rozaqul HALMURADOVPEN áńgime

– Rozaqul Satybaldy­uly, Memleket basshysy Qa­zaq­stan ha­l­qy As­sam­bleıa­­­sy­nyń bi­rinshi ses­sııasynda (24 na­ý­ryz 1995 jyl) jasaǵan baıandamasynda «Biz­diń qoǵamdy bi­rik­ti­retin tut­qa­lar­dyń biri – Qazaqstan hal­qy Assambleıasy bolýǵa tıis» degen edi. Assambleıa sol údeden shy­ǵyp kele me?

Juma, 13 sáýir 2012 7:17

Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasy Keńesiniń múshesi Rozaqul HALMURADOVPEN áńgime

– Rozaqul Satybaldy­uly, Memleket basshysy Qa­zaq­stan ha­l­qy As­sam­bleıa­­­sy­nyń bi­rinshi ses­sııasynda (24 na­ý­ryz 1995 jyl) jasaǵan baıandamasynda «Biz­diń qoǵamdy bi­rik­ti­retin tut­qa­lar­dyń biri – Qazaqstan hal­qy Assambleıasy bolýǵa tıis» degen edi. Assambleıa sol údeden shy­ǵyp kele me?

– Kezinde kóptegen bedeldi sarapshylar Keńes Odaǵynyń quramynan shyqqan egemen Qa­zaq eli ıadrolyq qa­rý­ǵa súıene otyryp, qatal derjava­lyq saıasat júrgizedi dep qaýiptengeni bel­gili. Alaıda, qo­ǵam­da de­mo­kratııa­lyq qun­dy­lyqtar or­natý jáne azamat­tyq qoǵam qurý baǵy­tynda batyl is-qı­myl­ǵa kóshken Qa­zaqstannyń Semeı ıadrolyq polıgonyn jabýy, álemde tór­tin­shi orynda dep res­mı baǵalanǵan ıad­rolyq arsenalynan bas tartýy ja­han­dyq saıa­sat­ta­ǵy qaıtalanbas oqı­ǵa retinde moıyndaldy. Qazaqstan óziniń aldyna qoıǵan negizgi maqsaty – beıbit ómir, kelisimdi qoǵam, ynty­maq­tas­tyq pen birigý ekenin dá­leldedi.

Elbasy N.Á.Nazarbaevtyń basty saıasaty qoǵamdaǵy barlyq etnos­tar­dyń tolyqtaı quqyǵy men bos­tan­dyǵyn saqtaı otyryp, jergi­lik­ti, baıyrǵy ultqa negizdelgen joǵa­ry áleýetti qoǵam qurý boldy. Al 1995 jyldyń naýryz aıynda Qa­zaq­stan Respýblıkasynyń Prezıdenti janynan konsýltatıvtik keńesshi organ retinde Qazaqstan halqy Assambleıasy quryldy. Sol jyldan bastap Assambleıa etnosaralyq qa­ty­nastar salasynda memlekettik ult­tyq saıasatty júzege asyrýshy ma­ńyzdy ınstıtýt retinde baǵala­nyp, elimizdi mekendeıtin barlyq etnos­tardyń ózara qarym-qatyna­syn qamtamasyz etýde tıimdi qu­ral­ǵa aınaldy.

Qurylǵannan bergi ýaqytta Assambleıa etnosaralyq kelisim salasynda aıtýly tabystarǵa jetip, aza­mattardyń etnostyq nemese dinı erek­sheligine qaramastan, quqyǵy men bostandyǵyn saqtaýdaǵy basty kepiline aınaldy. Qazaqstan halqy Assambleıasynyń tıimdi ári jemisti is-áreketiniń arqasynda elimizdegi etnosaralyq jáne konfessııaaralyq qatynastar salasynda beıbitshilik pen kelisim úlgisi saqtaldy. Al Assambleıa qanatynyń astyna 130-dan astam etnostyń jınalýy atalǵan Uıymnyń «kishi Birikken Ulttar Uıymy» dep atalýyna sebep boldy.

2007 jyly júrgizilgen konstı­tý­sııalyq reformalardyń nátı­je­sinde Qazaqstan halqy Assambleıasy jańa konstıtýsııalyq ókilettilik pen mártebege ıe boldy, sonymen qatar Assambleıanyń atynan Parlament Májilisine 9 depýtattyń saılanýy Qazaqstan qoǵamynda elimiz­diń memleket pen qoǵamdy demokratııalandyrý jolyndaǵy mańyzdy qa­da­my re­tinde baǵalanyp, álemdik qo­ǵam­dastyq tarapynan Elbasy N.Á.Na­zar­baev ne­gizin qalaǵan etnos­aralyq jáne kon­fes­sııaaralyq keli­sim úlgisi dep moıyndaldy. Qazaq­stan­dy mekendep otyr­ǵan etnos­tar­dyń mádenıetin, tili men dástúrin da­mytýǵa barlyq jaǵdaılar jasalǵan.

Búginde Qazaqstan halqy Assambleıasy óziniń tikeleı kúsh salýymen etnosaralyq qatynastar salasyn saıa­sattan tys saqtap, azamattyq qoǵam qalyptastyrý maqsatynda jumys júrgizip otyr. Assambleıa úshin 2008 jyl óte mańyzdy, nátı­jeli jyl boldy – Assambleıanyń beıbitshilik pen kelisimdi nyǵaıtý baǵytyndaǵy rólin normatıvtik-qu­qyq­tyq turǵyda úılestiretin «Qa­zaq­stan halqy Assambleıasy týraly» Zań qabyldandy. Atalǵan zań­na­malyq qujat eldiń árbir azamatyna halqy úshin aıanbaı qyzmet etýdi, Qazaqstannyń patrıoty bolýǵa sha­qy­ryp, naqty is-qımyl baǵyttaryn usynady. Memlekettik jáne ózge etnos tilderin, salt-dás­túr, máde­nıet­ti órkendetýge tolyq­taı múmkindik beredi. Sonymen qa­tar, eldiń árbir aza­maty Qazaq­stannyń bolashaǵy, egemendik negizi – memlekettik tildi da­mytyp, naǵyz is júzinde pat­rıot­qa aınalyp, Otan úshin qyzmet etý, atalǵan qasıetterdi jas urpaq boıyna sińirý baǵyty naqtylanǵan.

Assambleıa jumys isteı bastaǵan 17 jyldan beri atqarǵan qyzmeti men júrip ótken sara joly qazaq­stan­dyq etnosaralyq jáne konfes­sııa­aralyq kelisim úlgisiniń álemdik qoǵam­das­tyq aldynda bedeldi uıym­ǵa aınalyp, el qoǵamynyń quramdas bóligi­ne aınalǵanyn kórsetti. Taǵy da atap ótetin jáıt, eldi jumyl­dyrýshy ma­ńyzdy faktordyń biri qazaq halqy, onyń dástúrlik, tildik jáne mádenı qundylyqtary bolyp tabylady. Kez kelgen memlekettiń bi­ri­gýiniń, ortaq maq­sat­qa uıysýynyń ne­gizi halyqtyń jap­paı memlekettik tildi qol­danýyna baılanysty. Memlekettik til men qazaq ulty – Qa­zaqstan qoǵamyn ju­myl­dyrýshy basty kúsh, Qazaqstan hal­qy­nyń turaqty­ly­ǵy men elimizdegi beıbit­shi­liktiń ke­pi­li. Qazaq jerin meken etken barlyq etnos ókilderi tatýly­ǵy­nyń syry – qazaq halqynyń keń peıili, qonaqjaı ta­bı­ǵı bolmysynda, bi­tim­shil jaratylysynda jatyr.

Prezıdent ótken jylǵy Joldaýyn jarııalaǵanda: «Memleketti, onyń qaýipsizdigin odan ári nyǵaıtyp, ekonomıkanyń turaqty damýy men azamattarymyzdyń ál-aýqatynyń ar­týyn qamtamasyz etý úshin Qa­zaqstanǵa uzaq merzimdi turaqtylyq, beıbitshilik pen kelisim kerek» dedi. Sol kezde qos palata otyrysyna qa­ty­sýshy depýtattar, sheteldiń el­shi­leri, basqa da shaqyrylǵan qonaq­tar­dyń barlyǵy oryndarynan tu­ryp qol soqty. Al bizdiń barly­ǵy­myzdyń júregimizde elimizge, jeri­mizge, Elbasymyzǵa degen maqtanysh sezimi tolqyp turdy. Tórdegi Týy­myz­ǵa, álemge áıgili Qazaqstannyń azamaty ekendigimizge qýandyq. Sonymen qatar, tek biz úshin ǵana emes, búkil álem úshin tynyshtyqtyń, ult­aralyq kelisimniń, qoǵamdyq tu­raq­tylyqtyń qymbat ekenin se­zin­dik. Táýelsizdiktiń 20 jyly ishinde bizdiń eń úlken baılyǵymyz da osy – ult­aralyq kelisim, qoǵamdyq tatýlyq. Osy baılyqty kózdiń qarashyǵyndaı saqtaı bileıik.

– Birikken Ulttar Uıymynyń burynǵy Bas hatshysy Kofı Annan Qazaqstandy «Álemniń ózge mem­leketteri úshin ultaralyq ke­li­sim­niń, turlaýly ári turaqty da­mýy­nyń úlgisi» dep ataǵan eken. Álem­dik deńgeıdegi saıasat­kerdiń osy pikirin taratyp aıtyp berseńiz.

– Búgingideı birqatar memleket­tiń ornyqty damýyna etnostyq jáne dinı janjaldar aıtarlyqtaı qater tóndirip otyrǵan shaqta Qa­zaqstan mundaı máselelerdi júıeli túrde sheshe bilýge qabiletti ekenin kór­se­týde. Keıbir memleketterdiń basshylary óz ultynyń azamat­tary­nyń da basyn biriktire almaı aıtysyp jat­qanda, Qa­zaqstanda turatyn 130-dan astam enos ókilderin qa­zaq­tyń qa­sıetti de be­rekeli shańyra­ǵy­nyń as­tyn­da toptas­tyryp, olar­dyń bir­li­gin, yntymaǵyn nyǵaı­tý­da­ǵy, etnos­aralyq jáne kon­fes­sııa­ara­lyq keli­sim­di, qoǵamdaǵy ta­týlyqty úıles­ti­rý­degi Nursultan Na­zar­baevtyń er­likke toly eńbegin bú­ginde tek qana qazaqstandyqtar emes, búkil álem moıyndap otyr.

Elimizde Qazaqstan halqy Assambleıasy arqyly ulttyq saıasatty, etnosaralyq jáne dinaralyq únqa­ty­sýdy júzege asyrýdyń biregeı ári tıimdi tetigi qurylǵan. Memleket basshysynyń bastamasymen quryl­ǵan Assambleıa etnosaralyq qaty­nas­tardaǵy jarasymdylyqtyń or­ta­lyq býyny bolyp tabylady jáne saıası turaqtylyqty ornyqtyrýda, qoǵam­dyq kelisim men tynyshtyqty ny­ǵaı­týda mańyzdy ról atqarady. Jalpy alǵanda, elde mýltımá­de­nıet­ti, kópkonfessııaly, kópet­nos­ty qoǵam­da birlikti saqtaý men ny­ǵaı­týdyń baı ári biregeı tájirıbesi jınaq­tal­ǵan. Sondyqtan da bú­gin­deri ony bu­rynǵy keńestik respýb­lıkalardyń da qabyldaı bastaýy asa tańqa­lar­lyqtaı másele emes. So­nymen qatar, bizdiń tájirıbemizdi demokratııalyq ınstıtýttardy qa­lyp­tastyrýda san ǵasyrlyq táji­rı­besi bar memleketter de muqııat zerttep otyr.

N.Á.Nazarbaevtyń etnosaralyq toleranttylyq pen qoǵamdyq keli­simniń qazaqstandyq úlgisi BUU-da, EQYU-nyń Az ulttar jónindegi Jo­ǵarǵy komıssarynyń shtab-páte­rinde, EQYU-ǵa múshe elderde, bar­ly­ǵy 30-ǵa jýyq halyqaralyq uı­ymdar men shet memleketterde tanystyryldy. Sondaı-aq, sońǵy úsh jylda 14 mem­lekettiń ókilderi ke­lip, bizdiń táji­rı­bemizben tanysty jáne joǵary baǵa berdi. Osynyń bári aıtarlyqtaı aýqym­daǵy ke­shen­di jáne kópultty ári kópkon­fess­ııaly Qazaqstan halqy birliginiń ózindik úlgisin quraıdy. Bul – respýblıkany órkendetýge, qýat­­ty jáne qarqyndy damýǵa bas­taıtyn baǵdar.

QHA-nyń Qazaqstannyń saıası júıesinde artyp otyrǵan róli, onyń qoǵamdaǵy bedeli 2007 jyl­dyń mamyr aıynda Prezıdent N.­Á.Na­zar­baevtyń bastamasymen qa­byldanǵan Qazaqstan Respýblıka­synyń Konstıtýsııasyna engizilgen túzetýlerde kó­rinis tapty. Osylaısha, Májilis­tiń 107 depýtatynyń toǵyzyn Qazaqstan halqy Assambleıasy saılaıdy. Bul qadam táýel­siz memlekettiń qajet ınstıtýt­tary­nyń qurylýynyń aıaq­tal­ǵanyn jáne Qazaqstannyń dúnıe júzindegi aldyńǵy qatardaǵy shep­terdiń biri­ne bastaǵan qozǵalysyn sıpattaıtyn jańa saıası sapaǵa qadam basýy­nyń belgisi. Reseılik sarapshy­lar­dyń pikirinshe, mundaı norma, saıası sheshimderdi daıyndaý men qabyldaý úderisin odan ári je­tildirýge, bı­liktiń úsh tarmaǵynyń ózara jáne As­sambleıamen is-áre­ketterin zań shyǵarý qyzmetinde Qa­zaq­stan hal­qy­nyń alýan túrli pikir­lerin álde­qaıda tolyq eskerý úshin tereń­detýge yqpal etetin bolady.

– Memleket basshysynyń bı­ylǵy Joldaýy, ásirese, qara­paı­ym qazaqstandyqtardy qyzyq­tyra túsýde. Munyń mánisi nede?

– Elbasy N.Á.Nazarbaevtyń jyl saıynǵy Qazaqstan halqyna Joldaýlaryn zer sala qaraıtyn bolsaq, olardyń bir-birimen sabaqtasyp jatqanyn kóremiz. Bul qujattarda «Qazaqstan-2030» Strategııasyn ke­zeń-kezeńimen júzege asyrý maqsat­tary kórsetilgen. Joldaýlardyń túpki maqsattary bir, ol – eldiń bir­ligin nyǵaıtý arqyly barsha qazaq­stand­yqtardyń ál-aýqatyn jaqsartý.

Memleket basshysy bıylǵy Jol­daýyn­da on baǵytty belgilep berdi. Osy baǵyttarda árbir qazaqstandyq memleket tarapynan ózine jasalatyn qamqorlyqty, qoldaýdy naqty ańǵarady ári sezinedi. Baıqaıtyn bolsańyz, Elbasynyń nazarynan dál búgingi ózekti degen eshqandaı másele tys qalmaǵan. Mysaly, elimizde kenjelep turǵan bir másele jastarǵa tárbıe berý edi. Prezıdent osyny dóp basyp, jastardy pat­rıottyq, to­leranttylyq rýhta tár­bıeleýdi bilim berýmen birge alyp júrýdi usyndy.

Jalpy, kez kelgen memlekettiń damýy úshin negizgi úsh shart bolýy kerek. Birinshi – beıbitshilik. Eger elde beıbitshilik bolmasa, jumy­syń­da da, turmysyńda da bereke bolmaıdy. Ekinshi – kelisim. Munyń jaýaby: «Bir kún janjal bolǵan úıden qyryq kún bereke qashady» degen mátel bolmaq. Úshinshi – jasampaz eńbek.

Tuńǵysh Prezıdentimiz Nursul­tan Nazarbaevtyń danalyǵynyń arqasynda búginde Qazaqstanda osy aıtylǵandardyń barlyǵy saltanat quryp otyr. Endi bizder Joldaýda kórinis tapqan máselelerdi búkil qazaqstandyqtardyń júregine jet­kize alsaq, sol mindettemeler, sóz joq, oryndalady.

– Búginde elimizdi álemdik qo­ǵamdastyq jaqsy jaǵynan tanydy. Ekonomıkamyz qarqyndy damyp keledi. Bul nege baılanysty?

– Ekonomıkamyzdyń qarqyndy damýy, eń aldymen elimizdegi turaq­tylyq, halqymyzdyń birligi men qoǵamdyq kelisimge baılanysty. Qa­zaqstan táýelsizdik alǵan kezden beri Memleket basshysy qoǵamdy demo­kratııalyq jolmen damytýǵa, zaıyrly da dáýletti el bolýǵa bastap kele­di. Naryq ekonomıkasynyń bilgiri retinde halyqtyń ál-aýqatyn jaq­sar­tý baǵytynda áleýmettik ma­ńyzy zor baǵdarlamalardy júzege asyr­dy. Shaǵyn jáne orta kásip­ker­liktiń ór­kendeýine jol ashty. Mem­lekettiń ishki jáne syrtqy saıasatyn júr­gizýde Elbasy Nursultan Nazarbaev Qazaqstandy dúnıe júzine tanyta bildi. Álemdegi bedeldi elder men yq­paldy halyqaralyq uıymdar bú­gingi Qazaqstandaǵy ornaǵan de­mo­kra­tııa­lyq ahýaldy qoldap otyr. N.Nazar­baev­tyń júrgizip otyrǵan syndarly saıasatyn qoldaǵanynyń dáleli – Qazaqstannyń 2010 jyly EQYU-ǵa tóraǵalyq etýi. Bul – Qazaqstannyń halyqaralyq bedeli óskendiginiń, Pre­zıdent júrgizip otyr­­ǵan saıa­sat­tyń damyǵan elder­diń úlgi-qa­lyp­tary­na saı ekendi­giniń kórinisi.

Biz 20 jyldy alyp adymdarmen, qaryshty qadamdarmen júrip óttik. Adam aıtsa nanǵysyz tabystarǵa jettik. Kúni keshe ǵana aılap, toq­sandap jalaqysyz, stıpendııasyz, zeınetaqysyz qalǵan elge «az ǵana jylda osyndaı tabysqa jetemiz, búgingideı dáýren súremiz» degen oı óńi túgil, túsine de kirgen joq. Biz endigi jerde ázázildiń sózine ermeı, el birligin saqtap, búkil qoǵam bolyp jumylyp, «ult ta ortaq, el de ortaq, jer de ortaq, Otan da ortaq» dep, bir kisiniń balasyndaı bas qosyp, bátýáli ómir, baıandy turmys keshýdi, kósegesi kógergen órkenıetti elge aınalýdy oılaýymyz kerek.

El bolashaǵy úshin qoǵamnyń ishki qaıshylyqtaryn jeńip, ilgeri­leýi­miz­ge qursaý, aıaǵymyzǵa tusaý bolyp otyrǵan ádetterden arylýymyz qa­jet. Álem moıyndaǵan Qazaq­stan­nyń salǵan dańǵyl joly bola­shaqta da osy memleketti qurǵan Prezıdent N.Nazarbaevtyń aqyl-oıy men parasaty, halyqaralyq saıa­sattaǵy bedeli men qajymas qaı­ratynyń arqasynda basqalarǵa úlgi bola otyryp, irgeli elimizdiń damı beretinine kúmán joq.

Qazaqstan búginde álemde sóıle­se – sózi, istese – isi údege asyp turǵan yqpaldy, tuǵyrly memleketke, al El men Elbasy bólinbeıtin egiz uǵymǵa aınaldy. Alqaby – malǵa, qoıny – qazynaǵa toly keń-baıtaq jerimiz bar, aspankók Týdyń astyna toptas­qan yntymaqty elimiz bar, álemnen bilim men ilim jınap jat­qan óskeleń urpaǵymyz bar, as­qaq Aqordamyz bar, aıbyndy Astanamyz bar, kósh bastaǵan Erimiz bar eńsesi bıik el-jurtpyz! Aldymyzda – jarqyn bolashaq. Tórteý túgel bolsa, alynbaı­tyn qamal joq. Tek aýyzbir­shi­ligimizdi alma dep tileıik Alladan!

– Rozaqul Satybaldyuly, eli­miz­degi etnomádenı birlestikterge memleket tarapynan jasalyp jat­qan qoldaý-kómekti qalaı baǵalaısyz?

– Elimiz boıynsha 800-ge jýyq etnomádenı birlestik jumys isteı­di. Onyń 28-i respýblıkalyq bir­lestikter. Jalpy, respýblıkamyzda turatyn etnostardyń 50-ge jýyǵy ózderiniń ortalyqtaryn qurǵan. Osy etnomádenı ortalyqtar men bir­lestikterdi memleket tarapynan qol­daýǵa keletin bolsaq, bul má­selede asa aýqymdy jumystar jú­zege asyrylyp jatyr. Mysaly, «Qazaqstan halqy Assambleıasy týraly» Zań qa­byldanǵannan keıin etnomádenı bir­lestikterdiń jumysy birshama retke keldi. Elimizdiń oblystarynda, Almaty qalalarynda Dostyq úıleri ashy­lyp, kópshilikke qyzmet ete bastady. Al elordamyzda Beıbitshilik jáne kelisim saraıy bar. Bul ǵıma­rattan elimizdegi bar­lyq etnomádenı birlestikterge oryn-jaı berilgen, jumys isteýle­rine qajetti jaǵdaı­lar jasalǵan.

Búginde respýblıkalyq orys, uıǵyr, ózbek, nemis, koreı teatrlary jumys isteıdi, olardyń jalpy sany – 14. Bul óner shańyraqtary­nyń barlyǵy memleketten qarjy­landyrylady. Elimizde etnostar­dyń óz ana tilin damytýda da birqa­tar jumystar atqarylýda. Máselen, 100-den astam mektepte 22 etnostyń tilinde olardyń ana tili jeke pán retinde oqytylady. Sonymen birge, 90-ǵa jýyq mektepte oqý úderis­te­riniń barlyǵy ózbek, uıǵyr, tájik, ýkraın tilderinde júrgiziledi. Mu­nyń syrtynda 200-ge tarta jek­sen­bilik etnolıngvıstıkalyq ortalyq­tar taǵy jumys isteıdi. 11 tilde 40-tan astam gazet-jýrnal jaryq kóredi.

Al endi etnomádenı birlestik­terdi qarjylyq qoldaýǵa keletin bolsaq, bul memlekettik bıýdjetten eki jolmen beriledi. Onyń birinshisi – áleýmettik tapsyrys, ekinshisi – jergilikti atqarýshy organdardyń grant arqyly qarjylandyrýy.

Elimizde «Qazaqstan halqy Assambleıasy týraly» Zań qabyldan­dy. Meniń oıymsha, endi «Etnomá­denı birlestikter týraly» da zań qa­byl­daǵan jón shyǵar. О́ıtkeni, etnomá­denı birlestikterdiń de eń negizgi qyzmeti qoǵamda beıbitshilik pen ózara kelisimdi nyǵaıtý ǵoı. Qazaq­stan halqy Assambleıasynan saı­lan­ǵan depýtattar qazirgi kezde depý­tat­tyq top quryp, osy máseleni tal­qy­lap jatyr. Eger osyndaı zań qabyl­dansa, etno­mádenı birlestik­terdi mem­lekettik qol­daýdyń basqa da te­tikteri qaras­ty­rylatyn shyǵar dep oılaımyn.

– Atajurtyńyz – О́zbekstanǵa jıi baryp turatyn shyǵarsyz?

– Bul suraǵyńyzǵa bylaı dep jaýap bermekpin: bizdiń atajur­ty­myz О́zbekstan emes, bizdiń atajur­ty­myz – osy Qazaqstan. Qazaqta «Ár azamat óziniń jeti atasyn bilýi paryz» degen sóz bar ǵoı. Men jeti atamdy taratatyn bolsam, ózimniń ákem – Satybaldy, onyń ákesi – Haly baba, onyń ákesi – Qoshqar baba, onyń ákesi – Madýsman baba, onyń ákesi – Ahmet Iýsýp baba, onyń ákesi – Nurjan baba, onyń ákesi – Hasantaı baba. Meniń osy atalǵan jeti atamnyń barlyǵy Qazaqstanda týyp, Qazaqstanda óskender. Sondyqtan «Atajurtyń – О́zbekstan» degen bizge óte aýyr tıedi.

– Áńgimeńizge rahmet.

Áńgimelesken Álısultan QULANBAI.