«2018 jyly jańa satyp alý modeli qoldanysqa engizilgennen beri básekege qabiletti satyp alýlar boıynsha únemdelgen qarjy 51 mıllıard teńgeni qurady. Mundaı nátıjege 2018 jyly Qordyń satyp alý júıesin jetildirýge baǵyttalǵan aýqymdy jumystardyń arqasynda qol jetkizildi»,- dep Qýat Qojahmetov atap ótti.
Sonymen birge ótken jyly Qordyń satyp alý júıesin jetildirý baǵytynda belsendi jumys júrgizildi. Holdıng ishindegi satyp alýlardy qysqartý sharalary qabyldandy. Onyń arqasynda 22 mıllıard teńge kóleminde qarjy únemdeldi.
Satyp alýdyń jańa úlgisi 2018 jyldyń aqpan aıynan bastap qoldanysqa endi. Osy ýaqyt aralyǵynda jalpy quny 1 trıllıon teńgeni quraıtyn satyp alýlar jarııalanyp, 24 myń áleýetti jetkizýshi tirkeldi. «Samuryq-Qazyna» UÁQ» AQ Basqarma tóraǵasy Ahmetjan Esimov 2018 jyldyń qorytyndysy boıynsha ótken jınalysta atalǵan modeldiń tabystylyǵyn atap ótip, bul baǵytta jumysty odan ári jalǵastyrýdy tapsyrdy.
Satyp alýdyń jańa úlgisiniń ereksheligi sıfrlyq tehnologııalardy paıdalaný jáne barlyq satyp alý prosesin tolyq avtomattandyrý bolyp tabylady. Jańa model taýarlarǵa, jumystarǵa jáne qyzmetterge suranysty josparlaýdan bastap satyp alýdy ótkizýge, kelisimsharttar jasasýǵa jáne oryndaýǵa deıingi tolyq sıkldy júzege asyratyn elektrondyq satyp alýdyń tolyqqandy aqparattyq júıesi bolyp tabylady
Sonymen qatar, «Samuryq-Qazyna Kontrakt» JShS Bas dırektory Qýat Qojahmetov ótken jyly jasalǵan offteık-sharttardyń mańyzdylyǵyn atap ótti.
«2018 jyldyń qorytyndysy boıynsha naqty nátıjelerge qol jetkizdildi. Atap aıtqanda, «KEGOK» AQ men «Azııa Trafo» JShS arasyndaǵy, sondaı-aq, «Qaztransoıl» AQ men «KMG Automation» JShS arasynda jalpy somasy 4 mlrd. teńgeni quraıtyn 2 pılottyq offteık-kelisimshartqa qol qoıyldy. Munyń arqasynda 220 jańa jumys orny quryldy jáne kásiporryndar uzaq merzimdi sharttarmen qamtamasyz etildi»,- dep Qýat Qojahmetov tilge tıek etti.
Aıta ketken jón, 2018 jyldyń qyrkúıek aıynan bastap pko.skc.kz degen burynǵy portal Qordyń biryńǵaı satyp alý platformasy zakup.sk.kz saıtyna kóshirildi. Mundaı jańashyldyq biliktiliktti aldyn-ala irikteýdi ońtaılandyrdy. Biryńǵaı júıe satyp alý portalynda jeńil sáıkestendirý úshin arnaıy ázirlendi.
