Taǵdyr tálkegimen shetel asqan

Senbi, 14 sáýir 2012 7:57

OTANDASTARYMYZ QAZAQSTANǴA QAITA ORALǴANDA TAŃDAÝDAN QATELESPEGENDERIN RIZAShYLYQPEN ÁŃGIMELEIDI

Soltústik Qazaqstan oblystyq kóshi-qon polısııasy basqarmasynyń málimetteri boıynsha, sońǵy 5 jylda Qyzyljar óńirine Germanııadan –196, Polshadan – 15, Izraılden – 7 adam qaıta oralǵan eken. Biz maqalamyzda taǵdyrdyń tálkegimen shetel asyp, keıin Qazaqstanǵa qaıtyp kelgen túrli býyn ókilderine jolyǵyp, ne sebepti degen bir ǵana saýal qoıǵan edik. Ondaǵy maqsat máseleniń mán-jaıyn óz aýyzdarynan estip, túp tamyryna tereń boılaýǵa tyrysýshylyqtan týǵan bolatyn.

_________________________

Senbi, 14 sáýir 2012 7:57

OTANDASTARYMYZ QAZAQSTANǴA QAITA ORALǴANDA TAŃDAÝDAN QATELESPEGENDERIN RIZAShYLYQPEN ÁŃGIMELEIDI

Soltústik Qazaqstan oblystyq kóshi-qon polısııasy basqarmasynyń málimetteri boıynsha, sońǵy 5 jylda Qyzyljar óńirine Germanııadan –196, Polshadan – 15, Izraılden – 7 adam qaıta oralǵan eken. Biz maqalamyzda taǵdyrdyń tálkegimen shetel asyp, keıin Qazaqstanǵa qaıtyp kelgen túrli býyn ókilderine jolyǵyp, ne sebepti degen bir ǵana saýal qoıǵan edik. Ondaǵy maqsat máseleniń mán-jaıyn óz aýyzdarynan estip, túp tamyryna tereń boılaýǵa tyrysýshylyqtan týǵan bolatyn.

Karl DEDERER, Qyzyljar aýdany:

– 90-jyldardyń shyrǵalańy áli kún­ge deıin kóz aldymda. Keı kezderi túsime kirip, eles kezip júrgendeı kúı keshemin. Jer sharynyń altydan birin ıelengen KSRO sekildi alyp derjavanyń kúırep túsetinin kim bilipti? Bir shańyraq as­tyn­da mamyrajaı ómir súrip kelgen respýblıkalar arasyndaǵy saıası-ekono­mı­kalyq, mádenı baılanystardyń úzilýi, turmys-tirshiliktiń kúrt tómendeýi, keleshekke degen senimniń  joǵalýy – osy­nyń bári adamdardyń boıyna qorqynysh uıalatyp, jan-jaqqa sabyltyp jiberdi.

О́zgeler sekildi bala-shaǵanyń qamyn oılap, kúızeliske túsken kúnderdi oılasam, denem muzdap sala beredi. Esh nár­seni boljap bolmaıtyn sol bir ala­sa­py­ran kezeńniń júıkege aýyr tıetin taý­sylmas kúıbeń tirligi Qazaqstandy mekendeıtin nemisterdiń Germanııaǵa údere kóshýine soqtyrdy. Qý turmystyń taý­qy­metimen alǵashqy kóshke ilesip, ata-babamyzdyń tarıhı otanyna otbasymdy alyp men de jol tarttym. Imandaı shynym, basqa bóten oı bolǵan joq. Tý­ǵan jermen, qulyn-taıdaı tebisip ósken dostarmen qoshtasý ózegimdi sýyryp alǵandaı qatty áser etti.Talaı túnderdi uıqysyz atyrdym.

Obaly ne kerek, ol jaqta bar jaǵ­daıdy jasap baqty. Shtýtgard qala­sy­nyń túbine qonystanyp, jumysqa orna­las­tym. Baspana turǵyzyp, sharýamdy dóńgeletip ákettim. Jastar emes pe,  ul-qyzdarym tez ornyǵyp ketti. Al maǵan sińisý óte aýyr tıdi. Saryarqadaı keń dalada týyp, erkin ósken, qazaq hal­qy­nyń baýyrmal, qonaqjaı qasıetterimen tárbıelengen  men Eýropanyń salt-dás­tú­rin, ádet-ǵurpyn, shyny kerek, qabyl­daı almadym. Qazaqstannyń orny  erekshe, bólek, aıyrmashylyq jer men kók­teı ekenin, týǵan jerdiń bir jutym aýa­syna esh nárse teń kelmeıtinin  uǵyn­dym. Sodan bir kúni «Qazaqstan, qaı­dasyń!» dep  keri tartyp otyrdym.

Qazir burynǵy qonysym – Peterfeld aýylynda turyp jatyrmyn. Turmysym sheteldikterden kem emes. Mal ustaımyn, qus ósiremin. Erkinmin, Azatpyn. Taǵdyrdyń týǵan jermen qaıta qaýyshtyrǵanyna qýanamyn. Jyl sanap qaryshty damyp kele jatqan eldiń azamaty bolǵanymdy maqtan etemin. Búkilálemdik qoǵamdastyq aldynda óz orny, óz bedeli bar abyroıly Qazaq­stan­da  Elbasy ultaralyq tatýlyq pen din­aralyq kelisimniń ózindik úlgisin qa­lyptastyryp, beıbitshilik aımaǵy  retinde de  álem tanıtyn bıikke  jetti. Osynyń bári – ózara túsinistiktiń ar­qasy.

Irına FOLENVEIDER, Mamlıýt aýdany:

– Bizdiń Germanııaǵa atbasyn bu­rýy­­­myz ózgesheleý. Ol jaqta   týys­ta­ry­myz turatyn. Solar shaqyryp qoı­maǵannan keıin, jastyqtyń áseri me eken, qalaı kónip  qalǵanymyzdy bilmeı qaldyq. Biraq barýymyzdan qaı­týy­myz tez bol­dy. Jubaıym ekeý­miz­diń Bavarııada jar­ty  jyldaı ǵana turýǵa shydamymyz jet­ti. Balala­ry­myz da  elge oralý tý­raly oıymyzdy qýana qoldady.

Iá, shetelde bári jaqsy, tamasha sııaq­ty. Astaryna úńile qarap, shyn má­ninde, olaı emes ekenine kóz jetkizdik. Bóten or­tanyń bizdiń qaly­by­myzǵa kele bermeıtin erekshelikteri kóp bolyp shyqty. Jas­taıy­myzdan boıy­myzǵa da­ry­ǵan baýyrmaldyq, keń­peıildik, Otan men jerińe degen  perzenttik súıis­pen­shi­lik, tarıhy men máde­nıe­tine degen zor qurmet baıyz taptyrmady.

Jerlesterimiz oralýymyzdy túsi­nis­tik­pen qabyldady. Keleshegi kemel el al­dyn­daǵy tarıhı jaýapkershiligimizdi ortaq maq­sat-múddege jumyldyryp, eseli eńbek etip jatyrmyz. О́zim aǵylshyn tili páninen sabaq beremin. Jubaıym Vladımır kásip­ker­lik­pen aınalysady. Ulym sportshy, qyzym stýdent. Aırandaı uıyp otyrǵan otba­sy­myz­ǵa jazylmas jara, synyq syzat túsirip almaı, qatelikti ornymen túzeı bilgenimizge shúkirshilik deımiz.

Eki otbasy. Bir taǵdyr. Árqaısysy nebir qıly ótkelekti bastan ótkerse de, toǵystyratyn ortaq múdde-maqsat bar. Ol – Qazaqstanǵa degen bıik senim, joǵary rýh. Qazaqstandyq patrıotızmdi, Otanǵa, jerge degen mahabbatty barsha qoǵamnyń kúsh-qýaty jolynda jumys isteý, eńbek etý degen tabandy qasıet, berik túsinik! Maqalany ázirlep bola bergenimizde Kóshi-qon polısııasy basqarmasynyń qyzmetkerleri  Marına Kýzmenko (qyzy ekeýi) degen  Grekııada turǵan burynǵy otandasymyzdyń  Qyzyljar óńirine ornyqqanyn jetkizdi. Ondaǵy tereń ekonomıkalyq daǵdarys sal­dary­nan  yqylas Qazaqstanǵa aýsa kerek.  Petropavlda  kóńili qalaǵan jumysqa  ornalasyp, jany jaı tapqan. Turǵylyqty jer tańdaýda qatelespegenine bek qýanyshty.

О́mir ESQALI.

Soltústik Qazaqstan oblysy.